Senator Con Makkeyn: «Azərbaycan hökuməti ABŞ-ı addımlar atmağa vadar edir»

  ABŞ senatoru və prezidentliyə sabiq Respublikaçı namizəd Con Makkeyn “Amerikanın səsi”nin Azərbaycan xidmətinə müsahibəsində “Azadlıq” Bakını jurnalist Xədicə İsmayılovanı azad etməyə çağırıb, əks halda Azərbaycan hakimiyyətinə  qarşı addımlar atılacağı ilə hədələyib.

Sual: “Azadlıq” radiosunun jurnalisti Xədicə İsmayılova Azərbaycan prezidenti İlham Əliyev və onun ailə üzvlərinin biznes vəsaitlərinə dair məqalələr dərc etdikdən az sonra həbs edildi. Xədicənin həbsi sizin üçün nə deməkdir? Bunun mühümlüyü nədədir?

Cavab: Fikrimcə, Xədicənin həbsi onun özündən də qat-qat geniş dairəni əhatə edir. Çünki o, korrupsiyanı aşkar və ifşa edən cəsarətli və cəsur qadındır. Xədicənin həbsi ilə hökumət Azərbaycanda demokratiya və mətbuat azadlığı uğrunda mübarizə apara biləcək hər bir kəsə eyni cəza ilə üzləşəcəklərinə dair siqnal göndərir. Ona görə də bu, yalnız onun hekayəsi deyil, Xədicə Azərbaycanda islahata olan ehtiyacın simvoludur. Onun, sadəcə, öz işini gördüyünə görə həbs olunması hiddət doğurur.

Sual: Konqresdə Qlobal Maqnitski Aktının qəbuluna dair müzakirələr dolaşır ki, bu qanun layihəsi insan haqlarını pozan xarici dövlət rəsmilərini hədəfə alır. Siz bu qanun layihəsini dəstəkləyirsinizmi?

Sual: Onlar Xədicəni həbsdə saxlayacaqları təqdirdə - daha mühüm olaraq - insan haqlarını pozmaqda davam edəcəkləri təqdirdə mən Azərbaycan hökumətinə qarşı addımlar atmağın tərəfdarıyam. Maqnitski Aktı dünya boyu diktatorları vahiməyə salıb. Əlbəttə ki, biz bu seçimi ciddi şəkildə nəzərdən keçirməliyik. Ümid edirəm ki, biz o mərhələyə çatmamış Xədicə azad ediləcək.

Sual: Sizcə, Xədicənin davamlı həbsi ABŞ-Azərbaycan münasibətlərinə necə təsir göstərir?

Cavab: Məndə şübhə yoxdur ki, onun həbsinin davam etməsi öz təsirini göstərəcək, çünki biz insan haqlarını və mətbuat azadlığını dəstəkləyirik. Bu hökumət belə görünür ki, beynəlxalq normalara məhəl qoymur. Ümid edirəm ki, onlar anlayacaqlar ki, günahsız adamın öz mətbuat azadlığı hüququndan yararlandığına görə həbsdə saxlanılması nəinki nəzərdən qaçırılmayacaq, hətta bu hərəkət bizi müəyyən addımlar atmağa vadar edir.

Sual: Sizin Azərbaycan hökumətinə mesajınız nədir?

Cavab: Azərbaycan hökumətinə mesajım budur ki, mən uzun müddət Azərbaycan hökumətinin dostu olmuşam. Mən onlardan çoxunu tanıyıram. Özüm orada olmuşam. Bu, düzgün hərəkət deyil. Onlar bütün xalqın imicini korlayırlar. Azərbaycanlılar yaxşı, gözəl insanlardır. Bu hərəkət onların imicinə ziyan vurur.—0--