Vəkillərin müstəqilliyinə zəmanət gücləndirilməlidir � Mustafayev

Bakı/24.02.18/Turan: Məşhur vəkil Əsabəli Mustafayev Azərbaycan prezidentinin vəkilliyin inkişafı üzrə sərəncamını müsbət addım adlandırır, amma bunun ardınca vəkillərin müstəqilliyinin gücləndirilməsi üzrə tədbirlər gəlməlidir.

"Əlbəttə vəkiliyin təminatına, vəkilliyin inkişafına yönəlmiş hər bir sərəncam, hər bir göstəriş təqdirəlayiqdir. Xüsusilə nəzərə almaq lazımdır ki, bu illər ərzində vəklliyin təminatı, xüsusilə maddi təminatı dəyişməyib. Vəkillərə əlavə iş şəraitinin yaradılması, pusluz hüquqi yardımın məbləğinin artırılması sevindircidir. Hesab edirəm ki, vəkilliyin fəaliyyətinin inkişafına yönəlmiş tədbirlər davam etdirilməlidir. Ən əsası isə vəkilin müstəqil, heç bir müdaxilə olmadan fəaliyyət göstərməsi hüquqi cəhətdən həll olunmalıdır", deyə Mustafayev Turan-a müsahibəsində bildirib.

Onun sözlərinə görə, qanunvericilikdə "vəkilin müstəqilliyi" anlayışı var, amma bu müstəqilliyin təmin edilməsi mexanizmi açıqlanmayıb.

Həmçinin, qanunvericilikdə prokurorun, hakimin, polisin və digər subyektlərin nə vaxt vəkildən şikayət edə biləcəyi konkret hallar əks olunmalıdır.

"Onların şikayətinə kimin və ya hansı orqan tərəfindən baxılıması məsələsi də qanunvericilkdə əks olunmalıdır. Bu boşluqlar olduğundan vəkillik fəaliyyətindən uzaqlaşdırılanlar var. Müdaxilələrdən qorunmaq üçün vəkillərin sərəncamında hüquqi vasitələr yoxdur. Son 3-4 ildəki şikayətləri monitorinq etsək görərik ki, vəkillər barədə şikayət edənlər ya hakimlər, ya prokurorlar, ya da müstəntiqlərdir", deyə Mustafayev qeyd edib.

O, həmçinin dövlət hesabına pusluz hüquqi yardımın məbləğinin üç dəfə qaldırılaraq bir saat üçün 2 manatdan 6 manata (1,2 dollardan 3,6 dollara) çatdırlmasını müsbət qarşılayır. Bu, ilk addım olmalıdır. Niderlandda hüquqi yardım göstərilməsi üçün dövlət bir saata 110 avro ödəyir", deyə vəkil bildirib.

O, həmçinin hüquq məsləhətxanalarının geniş ofislərlə təmin edilməsini vacib sayır, çünki Bakıda elə hüquq məsləhətxanaları var ki, orada hər vəkilə cəmi 0,5 kvadratmetr sahə düşür.

Fevralın 22-də Azərbaycan prezidenti İlham Əliyev "Azərbaycan Republikasında vəkilliyin inkişafı ilə bağlı əlavə tədbirlər haqqında" sərəncam imzalayıb. Sənəddə vəkilliyin maddi-texniki bazasının möhkəmləndirilməsi üzrə bir sıra tədbirlər nəzərdə tutulur. -03B06-