Ceyhun Bayramov. Açiq mənbələrdən foto.
Yeni XİN başçısından nə gözləmək olar? (YENİLƏNİB)
Bakı/16.07.20/Turan: Ceyhun Bayramovun bu gün XİN başçısı təyin edilməsini “gözlənilməz” adlandırmaq olar. Bir gün belə diplomatik işdə işləməmiş insan xarici siyasəti necə həyata keçirəcək, bunu demək çətindir.
Ölkə tarixində əvvəllər də belə hadisələr olub - Tofiq Qasımov və Vilayət Quliyev də karyerası olan diplomatlar deyildi, amma onların siyasi təcrübəsi var idi. Lakin dövlət quruculuğu dövründə və kadr potensialının olmadığı bir vaxtda bu cür təyinatlara bəraət qazandırmaq olardısa, indi bu, ən azı məntiqsizlik kimi görünür.
Məmmədyarovun dövlət başçısının sərəncamlarını pis icra etdiyini və kifayət qədər fəal olmadığını fərz etsək, görünür, yeni nazirdən milli maraqların müdafiəsində daha çox qətiyyət tələb ediləcək. Amma bunun Qarabağ münaqişəsinin nizamlanmasını yaxınlaşdıracağına inanmaq çətindir.
XİN başçısının ən azından öz mövqeyi olmalı, öz yanaşmalarını təklif etməlidir, sıravi əsgər kimi yuxarıdan verilən göstərişləri yerinə yetirməməlidir.
Yeri gəlmişkən, indiyədək ölkə rəhbərliyi bir dəfə belə XİN-i passivliyinə görə tənqid etməyib. Əksinə, bütün tribunalardan yüksək səslə diplomatiyamızın fəal olduğu və bizim Ermənistan üzərində ideoloji qələbə çaldığımız, bütün dünyanın bizim haqlı olduğumuzu və ərazi bütövlüyümüzü etiraf etdiyi bəyan edilirdi. Bu zaman mətbuatda və müxalifət tərəfindən xarici siyasət addımları və XİN-in əməlləri ilə bağlı istənilən tənqidi hakimiyyət ölkənin uğurlarına kölgə salmaq cəhdi kimi qiymətləndirilirdi. -02B-
* * *
2020 İyul 16 (Cümə axşamı) 16:52:29
Azərbaycanın yeni XİN başçısı Ceyhun Bayramov oldu
Bakı/16.07.20/Turan: Azərbaycan prezidenti İlham Əliyev Elmar Məmmədyarovu ölkənin XİN başçısı vəzifəsindən azad edib. Başqa bir sərəncamla bu vəzifəyə daha əvvəl təhsil naziri vəzifəsində işləyən Ceyhun Bayramov təyin edilib. -06D-
-
- Foto sessiyalar
- 16 İyul 2020 16:40
Siyasət
-
Martın 28-də Avropa İnsan Hüquqları Məhkəməsi Azərbaycandan göndərilmiş 21 ərizə ilə bağlı qərar və qərardadlarını elan edib.
-
Aprelin 5-də keçiriləcək Ermənistan- Avropa İttifaqı -ABŞ görüşü Moskvanı narahat edir, çünki Vaşinqton və Brüssel onun antirusiyayönlü olması barədə açıq danışırlar, Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
-
Dağlıq Qarabağın keçmiş rəhbərliyindən bəzi dairələr mühacir hökumət barədə bəyan edərək hərəkət və addımlar atırlar, Ermənistanın milli təhlükəsizliyinə təhdid yaradırlar. Bu barədə martın 28-də Ermənistanın baş naziri Nikol Paşinyan hökumətin iclasında bildirib.
-
Bu gün Bakı Ağır Cinayətlər Məhkəməsində Azərbaycan ərazisində casusluqda ittiham olunan İran vətəndaşı Qaedi Məhəmməd Nəcəf oğluna hökm oxunub.
Rəy yaz