12 illik təhsil təxirə salınır

Azərbaycan Təhsil Problemləri İnstitutu tərəfindən işlənib hazırlanmış 12 illik təhsil standartları layihəsi Təhsil Nazirliyinə təqdim edilib.

Sənəddə inkişaf etmiş ölkələrin nümunəsi üzrə tədris edilən fənlərin sayının azaldılması imkanına baxılır. Lakin hələlik hansı modelin tətbiq ediləcəyi məlum deyil.

Bu ilin mayında 12 illi təhsil sistemini (K-12) dəstəkləyən İnnovasiya Strategiyası konfransında təhsil naziri Mikayıl Cabbarov bildirib ki, keçid seçilmiş yolun səmərəli beynəlxalq təcrübəyə əsaslan düzgün yol olduğundan əmin olduqdan sonra həyata keçiriləcək.

Bunu nazirin 12 illik təhsil sisteminin tətbiqinə baxışlara yenidən baxması kimi qiymətləndirmək olar. Belə ki, 2013-cü ilin dekabrında müəllimlərin XIV qurultayında Cabbarov ictimaiyyətə 2014-2015-ci təhsil ilindən ümumtəhsil məktəblərində 12 illik, 32 həftəlik və 5 günlük təhsil qrafikinə keçid haqqında məlumatlandırıb.

Təhsil müddətinin artırılması tədris proqramının mənimsənilməsi prosesini yaxşılaşdırmaq, təhsil prosesində 3,5 aylıq fasilənin mənfi təsirinin aradan qaldırılması, təhsilin səmərəliliyi məqsədilə edilir.

Bu ilin yanvarında prezident İlham Əliyev Təhsilin İnkişafı Strategiyasının İcrası üzrə Fəaliyyət Planını təsdiq edib. Sənədə əsasən, 2015-2016-cı təhsil ilindən Azərbaycanda 12 illik orta təhsil sistemi tətbiq edilib.

12 illik sistemə keçidin təxirə salınması ölkədə əlverişsiz iqtisadi vəziyyətlə bağlıdır. Bu keçid əlavə maliyyə vəsaiti tələb edəcək ki, ilin əvvəllərindən vəsait defisiti görünüb. -0-