![12 saylı koloniyanın dustaqları rəhbərliyin özbaşınalığından şikayətlənirlər](https://turan.az/resized/media/2014/main/060600080796-750-500-resize.webp)
12 saylı koloniyanın dustaqları rəhbərliyin özbaşınalığından şikayətlənirlər
12-saylı cəzaçəkmə müəssisəsində saxlanılan bir qrup məhbus prezident İlham Əliyev başda olmaqla bir sıra vəzifəli şəxslərə müraciət göndəriblər.
Müraciətin surəti “Siyasi Məhbuslarsız Azərbaycan” İctimai Alyansına göndərilib. Məhbuslar məktubun media vasitəsi ilə ünvanlara çatdırılmasını xahiş edirlər.
Müraciətdə cəzaçəkmə müəssisəsinin rəisi Rauf Məmmədov, onun müavini Qaçay Aslanov və digərlərinə qarşı ciddi itthamlar irəli sürülür.
Məhbuslar bildirirlər ki, dustaqxanada korrupsiya, özbaşınalıq, işğəncə, narkotik maddə satışı baş alıb gedir.
Bundan əlavə, imkanlı məhbuslara əlavə şərait yaradılıb, imkansızlar isə alcaldılır.
Məhbuslar prezident İlham Əliyev, ədliyyə naziri Fikrət Məmmədov, ombudsman, milli təhlükəsizlik naziri, baş prokuror, Penitensiar Xidmətin rəisi Mədət Quliyevdən, həmçinin millət vəkilləri, Azərbaycandakı beynəlxalq təşkilatların nümayəndələrindən və hüquq müdafiəcilərindən 12 saylı cəzaçəkmə müəssisəsinin rəhbərləri ibarəsində qanuni tədbirlərin görülməsini xahiş ediblər.
Penitensiar Xidmətin mətbuat xidmətindən isə Turan-a bildirilib ki, müraciətdə göstərilənlər həqiqətəuyğun deyil.-16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz