İyunun 12-də Ali Məhkəmədə “Tolışi sado” qəzetinin baş redaktoru, 5 il müddətinə azadlıqdan məhrum edilmiş Hilal Məmmədovun kassasiya şikayətinə mahiyyəti üzrə baxılacaq.
Şikayətə saat 11:00-da İnqilab Nəsirovun sədrliyi ilə cinayət işləri üzrə kollegiyada baxılacaq.
Həmin vaxt Kəmaləddin Bədəlovun sədrliyi ilə inzibati-iqtisadi işlər üzrə kollegiyada H.Məmmədovun DİN və Baş Prokurorluq tərəfindən təqsirsizlik prezumpsiyasının pozulması üzrə digər kassasiya şikayətinə baxılacaq. Bu barədə Turan-a H.Məmmədovun hüquqlarını Müdafiə Komitəsindən bildirilib.
Vəkil Ramiz Məmmədov eyni zamanda iki şikayətə baxılmasını Turan-a şərh edərkən deyib: “Fiziki baxımdan insan eyni vaxtda iki iclasda iştirak edə bilməz. Bununla o, öz şikayətinə baxılması zamanı iştirak imkanlarından məhrum edilir”.
Onun sözlərinə görə, kassasiya şikayətində cinayət işinin arasdırılması zamanı çoxsaylı prosessual pozuntulara yol verildiyindən H.Məmmədova qarşı cinayət işinin dayandırılması məsələsi qoyulur.
* Hilal Məmmədov 2012-ci il iyunun 21-də həbs olunub. 2013-cü il sentyabrın 27-də Bakı Ağır Cinayətlər Məhkəməsi onu dövlətə xəyanətdə, milli ədavətin qızışdırılmasında və narkotik maddə alverində təqsirli bilərək 5 il müddətinə azadlıqdan məhrum edib.
H.Məmmədov bu itthamları rədd edir. O, siyasi motivlərlə təqib olunduğunu hesab edir.
Amnesty İnternational H.Məmmədovu “vicdan məhbusu” kimi tanıyıb.. –06D--
Cəmiyyət
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
-
İmişlidə 2 uşağın ölümü ilə nəticələnən yol qəzasına səbəb olmaqda təqsirləndirilən 17 yaşlı oğlan həbs edilib.
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
Rəy yaz