17 saylı həbsxanadakı olaylarla bağlı Baş Prokurorluğa müraciət edilib
Hüquq və Azadlıqların Müdafiəsi İnstitutu (HAMİ) son günlər 17 saylı cəzaçəkmə müəssisəsində baş verən hadisələrlə bağlı mətbuata açıqlama yayıb. Bu haqda Turan-a həmin həbsxanada məhkum olan azadlıq hərəkatının öncüllərindən olmuş Nemət Pənahlının vəkili Elçin Namazov bildirib.
Açıqlamada 17 saylı həbsxanada baş verən olayların narahatlıqla qarşılandığı bildirilir. Belə ki, bu il dekabrın 17-də həbsxanada məhbus Pərviz Mikayılovun intihar etməsi xəbəri yayılıb. Mərhumun yaxınları isə P.Mikayılovun bədənində çoxsaylı zorakılıq əlamətlərinin olduğunu bildiriblər. P.Mikayılovun KİV-lərdə yayılan fotoşəkillərində zorakılıq izləri aşkar görünüb.
Həmin həbsxanada digər məhbus Nemət Pənahlının müraciəti yayılıb. Müraciətdə 17 saylı həbsxanaya qara maskalı şəxslərin basqın etdiyi, məhbuslara zorakılıq göstərdikləri qeyd edilir. Müraciətdə qara maskalı şəxslərin məhbusları qandallayaraq vəhşicəsinə döydükləri, müxtəlif heyvanların səslərini çıxarmağa məcbur etdikləri bildirilir.
HAMİ qeyd olunan ölüm faktından və məhbusların həyatlarının təhlükədə olmasından narahatlıq keçirdiyini bildirir. Bu narahatlığa əsas verən hallardan biri son bir il ərzində belə həyəcanlı xəbərlərin tez-tez yayılması və həbsxanalarda ölüm hallarının xeyli artmasıdır.
HAMİ bu faktların araşdırılması üçün Baş Prokurorluğa müraciət edib. Müraciətdə 17 saylı həbsxanadakı olayların araşdırılması, Penitensiar Xidmətin rəisi Mədət Quliyevin və 17 saylı həbsxananın rəis əvəzi Arif Mirzəyevin cinayət məsuliyyətinə cəlb olunması tələb edilir. -05D-
-
- Foto sessiyalar
- 19 Dekabr 2012 15:18
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz