Fitch: MDB bankları sabitdir, amma xammal konyunkturu və makroiqtisadi siyasətdən asılıdır

Fitch Ratings yeni xüsusi hesabat açıqlayıb. Orada qeyd edilir ki, MDB və Gürcüstanda 2013-cü ildə bank sektoru üzrə proqnoz sabitdir. 

 Bu, agentliyin regionda müsbət iqtisadi artım gözləntilərini əks etdirir. Öz növbəsində bu, bankların aktivlərinin keyfiyyəti və mənfəətliliyinə kömək etməlidir. Amma xammal bazarımndan asılı olan ölkələrin (Rusiya, Qazaxıstan, Azərbaycan və Özbəkistan) bankları daha müəyyəndir, Ukrayna, Belarus və (bir qədər az) Gürcüstan üzrə makroiqtisadi sabitlik cəhətdən aydınlıq yoxdur. 

 Regionun bank sistemlərinin çoxu əvvəlkitək mühüm fundamental nöqsanlara malikdir və ya böhrandan sonra tam bərpa olunmayıb. Bu, dünyada mənfi proseslər və xammalın ucuzlaşması təqdirində pisləşmə riski yaradır. Qazaxıstan və Ukrayna banklarında əvvəlkitək qiymətdən düşən kreditlər var, Ukrayna və Belarus zəif xarici maliyyə və yürüdülən siyasət üzündən maliyyə bazarı və ya makroiqtisadiyyatda geniş stress halında riskə məruz qala bilər. 

 Rusiya banklarının kreditləşməsində artım fondlanma və kapital məhdudiyyəti və pərakəndə kreditlərin sərt tənzimləməsi nəticəsində 2013-cü ildə azalacaq. Bu azalma sektorun kredit qabiliyyəti göstəricisini dəstəkləyəcək, amma dövlət maliyyəsindən asılılıq artmalıdır. Mənfəətlilik isə marjaya təzyiqlə bağlı daha zəif olacaq. Aktivlərin və leverecin keyfiyyəti dəyişməz qalacaq, amma korporativ seqmentdə problemlər pərakəndə seqmentdə yüksək artım bir sıra banklarü çün risk yaradır. 

 Xammal konyunkturu ilə bağlı Qazaxıstanda güclü artım bankların biznes həcmində (məsələn, xırda kreditləşmə) əksini tapır və daşınmaz əmlak bazarına kömək edə bilər. Bu, bank aktivlərinin keyfiyyətinə və mənfəətliliyə müsbət təsir etməlidir, hərçənd sektirda böyük həcmdə problemli kredit və zəif kapital keyfiyyəti var. 

 Ukrayna və Belarus banklarının 2013-cü ildəki göstəriciləri makroiqtisadi vəziyyətin inkişafından daha çox asılı olacaq. Bu halda aktivlərin keyfiyyəti, kapitallaşma göstəriciləri və bankların depozitlərinin sabitliyi valyuta məzənnəsinin zəifliyi və onun iqtisadi fəallığa təsiri şəraitində potensial olaraq zəifdir. Eyni zamanda hər iki bazarda banklar problemli kreditlərin tanınmasına dair çevikliyə malikdir, xarici yaxud dövlət mülkiyyətinin əhəmiyyətli səviyyəsi dəstək mənasında müəyyən qədər davamlılıq ehtiyatı təmin edir. 

 Fitch iqtisadiyyatın davamlı artımı və idarəetmənin yaxşı səviyyəsi ilə dəstəklənən Gürcüstan banklarının 2013-cü ildə yenidən yaxşı göstəricilər nümayiş etdirəcəyini gözləyir. Eyni zamanda hökumətin dəyişməsi iqtisadi siyasət və yaxın dövr üçün göstəricilərə dair müəyyən qeyri-müəyyənliyi şərtləndirib, bu da bir qədər ölkə banklarının perspektivlərində əksini göstərir. 

 Qlobal iqtisadiyyatda gələcəkdə neqativ şoklar olacağı halda neftin qiymətinin aşağı düşməsi riski artacaq, bu da Rusiya, Qazaxıstan və Azərbaycanda iqtisadi artıma, aktivlərin qiyməti və valyuta məzənnəsi, nəticə etibarı ilə bu ölkələrdəki bankların kredit qabiliyyəti üçün mənfi hal olardı. Əgər neftin qiyməti qısa müddət üçün aşağı düşsə, nizamlayıcılar və banklar yəqin ki, situasiyanın öhdəsindən gələcək, ancaq davamlı zəifləmə kredit ödəmə qabiliyyəti üçün neqativ hal olardı. 

Ukraynada gözləniləndən daha böyük devalvasiya və onun artıma potensial təsiri olacağı təqdirdə bu,  Belarusda makroiqtisadi disbalansların bərpası kimi  banklar üçün neqativ hal olardı. 

Gürcüstanda narahatçılıq faktorları kimi siyasi stabilliyin pisləşməsi, yürüdülən siyasətdə çatışmazlıqlar, yaxud xarici maliyyələşmə risklərinin artırılması olardı. 

–15D--