![Bakıda kiçik və orta sahibkarlığın problemləri üzrə konfrans keçirilib](https://turan.az/resized/media/2012/main/121900022019-750-500-resize.webp)
Bakıda kiçik və orta sahibkarlığın problemləri üzrə konfrans keçirilib
Bu gün Bakıda “Azərbaycanda kiçik biznesin inkişafı” mövzusunda beynəlxalq konfrans keçirilib. Konfrans zamanı kiçik və orta sahibkarlığın (KOS) yaradılması problemləri və onun gələcək inkişafı yolları ətrafında vəziyyət təhlil edilib.
Tədbirdə mütəxəssislərin, yerli və xarici ekspertlərin azərbaycanda biznes mühitinin qiymətləndirilməsi, sahibkarlığın dəstəklənməsi üzrə tədbirlər, kiçik biznesin fəaliyyətinin yoxlanması, KOS-un dəstəklənməsində Türkiyə təcrübəsinə dair çıxışları dinlənilib.
KOS-un İnkişafına Yardım Mərkəzinin nümayəndəsi İlkin Qarayev İqtisadi Əməkdaşlıq və İnkişaf Təşkilatının hesabatını şərh edərkən bildirib ki, Azərbaycan ümumilikdə KOS siyasəti indeksi üzrə bir çox göstəricilərə görə Şərq tərəfdaşlığı ölkələrindən geri qalır. Bu, normativ-hüquqi bazanın formalaşdırılması, iflas proseduru, yeni kiçik biznes subyektlərinin dəstəklənməsi üzrə tədbirlər, onların dövlət satınalmalarına çıxışı, dövlət standartları və texniki tənzimlənmə, maliyyə mənbələrinin çatımlı olması, innovasiya siyasəti və s. aiddir.
“Heritage Foundation” və “Frazer İnstitute” təşkilatlarının azərbaycanda iqtisadi azadlıq indeksi üzrə yerin təqdimatı ilə bağlı “Sahibkarlığın inkişafına və bazar iqtisadiyyatına yardım” İctimai Birliyinin nümayəndəsi Ayxan Həsibli çıxış edib. 2010-cu ilin ikinci yarısını və 2011-ci ilin birinci yarısını əhatə edən araşdırmalarla müəyyən edilib ki, Azərbaycan həmin reytinqlərdə qanunun aliliyi, hökumətin səlahiyyətlərinin məhdudluğu, iqtisadiyyatın və sahibkarlığın tənzimlənməsinin effektivliyi, bazarların açıqlığı üzrə orta mövqeyi tutur.
Azərbaycanda sahibkarlıqda “zəif yer” hər zaman yoxlamalar olaraq qalır. Beynəlxalq Maliyyə Korporasiyası (İFC) KOS subyektləri arasında Ədliyyə Nazirliyi yanında yoxlamaların vahid reyestrinin tətbiqinin effektivliyi üzrə sorğu keçirib. İFC-nin Bakı ofisinin nümayəndəsi Həsən Hüseynovun sözlərinə görə, yoxlamaların intensivliyi artıb, qanunsuz yığımlar isə nəzərəçarpacaq dərəcədə azalıb. Əgər 2011-ci ildə bir sahibkarı ildə 11 dəfə yoxlayırdılarsa, bu il bu göstərici 12-ə çatıb. Əgər əvvəlki sorğularda sahibkarlar hadisələrin yarısında onlar rüşvət verməyə məcbur olduqlarını bildirirdisə, bu il rüşvət verilməsini 20% anonim respondent etiraf edib. Sahibkarlara tez-tez Vergilər Nazirliyinin (rəyi soruşulanların 95%-i), Fövqəladə Hallar Nazirliyinin (78%), Əmək və Əhalinin Sosial Müdafiəsi Nazirliyinin (66%) nümayəndələri “baş çəkirlər”.
KOS-un inkişafı ilə bağlı problemlərin kompleks həlli üçün Azərbaycanın qeyri-hökumət təşkilatları şəbəkəsi “Kiçik sahibkarlığın dəstəklənməsi” layihəsini hazırlayıb.
Layihə ABŞ Beynəlxalq İnkişaf Agentliyi (USAİD) tərəfindən maliyyələşdirilir.
Sahibkarlığın inkişafına və bazar iqtisadiyyatına yardım” İctimai Birliyinin prezidenti Sabit Bağırovun sözlərinə görə, Azərbaycanda biznesin əsas problemləri bazarın inhisarı, inzibati maneələr, korrupsiya və qanunun aliliyinin aşağı səviyyədə olması, maliyyə vəsaitlərinin mümkünlüyü və biznesmenlərin savadının aşağı olmasıdır. Layihədə məqsəd qanunvericiliyin təkmilləşdirilməsi və institusional islahatların həyata keçirilməsi, üçtərəfli dialoqun qurulması (hökumət, QHT və biznes birliyinin təşkili) və KOS subyektlərinə praktiki yardım yolu ilə həmin problemlərin aradan qaldırılmasıdır. 08C
-
- Siyasət
- 19 Dekabr 2012 14:25
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz