Bakı/10.05.17/Turan: Bakıda keçirilən İslam Həmrəyliyi Oyunlarına qatılacaq ölkələrin sayında dəyişiklik edilib. Bu haqda xəbəri Əməliyyat Komitəsi yayıb.
Sudan və Liviya idmançıları, həmçinin İslam Həmrəyliyi İdman Federasiyasının (İHİF) bayrağı altında çıxış etməli olan küveytlilərin oyunlarda iştirakı baş tutmayacaq.
İslamiadanın Əməliyyat Komitəsi bildirib ki, İHİF və bu ölkələrin olimpiya komitələri komandaların yarışa gəlməsi üçün əllərindən gələni etsələr də bu səylər nəticəsiz qalıb.
Beləliklə, Bakıda 57 yox, 54 ölkənin iştirakı baş tutacaq.
IV İslam Həmrəyliyi Oyunlarının Əməliyyat Komitəsi bu ölkələrin Bakıya gəlməməsinin səbəblərini açıqlamır. Amma idman mütəxəssislərinin sözlərinə görə, Sudan və Liviya maliyyə problemi səbəbindən qatıla bilmir. Küveyt isə ölkə rəhbərliyi Milli Olimpiya Komitəsinin fəaliyyətinə müdaxilə etdiyinə görə Beynəlxalq Olimpiya Komitəsi (BOK) tərəfindən cəzalandırılıdğı üçün öz bayrağı altında yarışlara qatıla bilməz.
IV İslam Həmrəyliyi Oyunları mayın 12-22-də Bakıda keçiriləcək. Yarışlara qatılacaq 3 mindən çox idmançı 20 idman növü üzrə mübarizə aparacaq. -05D-
Cəmiyyət
-
Noyabrın 14-də şəkərli diabetlə beynəlxalq mübarizə günü idi. Azərbaycanda diabetdən əziyyət çəkənlər üçün pulsuz dərmanların verilməsi nəzərdə tutulub. Nazirlər Kabinetinin qərarına görə, pulsuz dərman Səhiyyə Nazirliyinin təsdiq etdiyi xüsusi formada olan resept nüsxəsində yazılır. Lakin xəstələrə pulsuz dərmanların verilməsində hələ də problemin olduğu ilə bağlı şikayətlər eşidilir.
-
Noyabrın 16-da paytaxtda hava tutqun olacaq, axşama doğru yağış yağa bilər. Səhər və axşam duman olacaq. Mülayim cənub-qərb küləyi şimal-qərb küləyinə keçəcək.
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
Rəy yaz