![5 ayda 1 tondan çox heroin müsadirə edilib](https://turan.az/resized/media/2016/main/062000159662-750-500-resize.webp)
5 ayda 1 tondan çox heroin müsadirə edilib
Yanvar - may aylarında Azərbaycanda narkotiklərlə mübarizə sahəsində hüquq-mühafizə orqanları 1 439 fakt aşkar ediblər.
Bu haqda Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının öz saytında açıqladığı aralıq hesabatda bildirilir.
Hesabata görə, aşkarlanan faktlardan 375-i narkotik vasitələrin satışı ilə bağlı olub.
1006 fakt isə satış məqsədi olmadan narkotik vasitələrin dövriyyəsi ilə bağlıdır. Digər faktların əsasən, narkotik xassəli bitkiləri kultivasiyası ilə əlaqəli olduğu bildirilir.
Aşkar edilən faktlar üzrə dövriyyədən ümumi çəkisi 1 ton 520 kiloqramdan artıq müxtəlif növ narkotik vasitələr müsadirə olunub.
Müsadirə olunan narkotik vasitələr arasında heroin üstünlük təşkil edir. 5 ayda 1 ton 037 kilodan artıq heroin aşkar edilib.
Hüquq-mühafizə qurumları 294 kiloqram marixuana, 169 kiloqram tiryək, 16 kiloqram həşiş və digər narkotik vasitələr aşkar ediblər.
Hesabatda həmçinin “Xaş-Xaş 2016” əməliyyatı ilə qəsdən əkilib-becərilən və yabanı halda bitmiş 56 kiloqramdan çox narkotik tərkibli bitkilərin məhv edildiyi qeyd edilir.
1439 fakt üzrə 840-ı kişi, 10-u qadın olmaqla 850 nəfərin cinayət məsuliyyətinə cəlb edildiyi hesabatda əks olunub. Məsuliyyətə cəlb edilənlərdən 1 nəfəri 18 yaşa çatmamış gənc, digərləri yetkin şəxslər olublar.
Narkotikə görə tutulanların 754-ü işsizlərdir. Məsuliyyətə cəlb edilənlər arasında 3 qulluqçu da olub. -0-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz