Açiq mənbələrdən foto.
Bakı/05.05.23/Turan: Azərbaycan Xalq Cəbhəsi Partiyasının fəalı, 88-ci sutkadır aclıq edən Zamin Salayevin vəziyyəti kritikdir. Bu barədə mayın 5-də vəkil Fəxrəddin Mehdiyev 1 saylı İstintaq Təcridxanasında Salayevə baş çəkdikdən sonra Turan-a bildirib.
“Arterial təzyiqi 80/60-dır. 45 kiloqram arıqlayıb (118 kiloqramdan 73 kiloqrama düşüb). Mədəsində, böyrəklərində və ürəyində kəskin ağrılar var, ayaqları tutulur. Nəzarətçilər əllərindən tutaraq aparırlar", - vəkil deyib.
Onun sözlərinə görə, Salayevə məcburi sistem köçürürlər. "O, bunun dayandırılmasını tələb edir və məcburi inyeksiyalar davam edərsə, Salayev quru aclığa keçəcək", - vəkil deyib.
Ombudsmanın, Baş Prokurorluğun, Beynəlxalq Qırmızı Xaç Komitəsinin nümayəndələri Salayevə baş çəkdikdən sonra müsbət dəyişiklik yoxdur.
Aclığı dayandırmaqla bağlı qohumların, vəkillərin, tərəfdarların çoxsaylı xahişlərinə baxmayaraq, Salayev bundan imtina edir.
*Xatırladaq ki, fevralın 8-də Bakının Qaradağ Rayon Məhkəməsi Salayevi üç ay müddətinə həbs edib. Ona qarşı Cinayət Məcəlləsinin 221.3-cü maddəsilə cinayət işi açılıb. Fəalı 5 ilədək həbs təhlükəsi gözləyir.
Salayev məhkəmədə bildirib ki, ona qarşı irəli sürülən ittiham yalandır və sosial şəbəkələrdə hakimiyyəti tənqid etdiyinə görə cəzalandırılır. Hüquq müdafiəçiləri Zamin Salayevi siyasi məhbus kimi tanıyıblar.B06
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz