Azərbaycan və Ermənistan xarici işlər nazirlərinin Moskva görüşündən əvvəl Paşinyan Putinlə görüşəcək

Bakı/05.05.23/Turan:  Ötən gün Ermənistanın baş naziri Nikol Paşinyan bildirib ki, gələn həftə Putinlə görüşmək üçün Moskvaya gedəcək.

Bu gün Rusiya prezidentinin mətbuat katibi Dmitri Peskov belə görüşün olub-olmayacağı barədə sualın cavabından yayınaraq deyib: "Hələlik qabağa getməyəcək, müəyyən planlar müzakirə olunur. Müzakirələr yekunlaşdıqca müvafiq elanlar verəcəyik", - TASS Peskovdan sitat gətirib.

Xatırladaq ki, mayın sonunda Moskvada Azərbaycan və Ermənistan Xarici İşlər nazirlikləri rəhbərlərinin görüşü olmalıdır, iyunun 1-də isə Kişinyovda Əliyev-Paşinyan görüşü gözlənilir.

Son vaxtlar Vaşinqton Bakı və Yerevan arasında vasitəçilik təşəbbüsünü ələ alıb ki, bu da Moskvanın xoşuna gəlmir.

Görünür, Paşinyanın Moskvaya səfəri Yerevanın Azərbaycanla münaqişənin həllini Qərbin təkliflərində yox, Rusiya, Azərbaycan və Ermənistan liderlərinin razılaşmaları çərçivəsində axtarmaq lazımdır çağırışlarını eşitməkdən imtina etməsi səbəbindən Rusiyanın narazılığını yumşaltmaq məqsədi daşıyır. 02D