ABŞ-da Azərbaycandan 408 tələbə təhsil alır
Beynəlxalq təhsil mübadiləsinə dair “Open Doors” hesabatı (2015-ci il üzrə) Amerikada təhsiı alan tələbələrin sayını açıqlayıb.
ABŞ-ın Azərbaycandakı səfirliyinin məlumatında deyilir ki, əcnəbi tələbələrin sayı 10% artıb və ümumilikdə 2014/2015-ci tədris ilində 974,926 nəfər təşkil edib.
Open Doors hesabatı ABŞ Dövlət Departamentinin Təhsil və Mədəniyyət Məsələləri Bürosu ilə birgə Beynəlxalq Təhsil İnstitutu tərəfindən hər il nəşr olunur.
Yeni hesabat 2014/2015-ci tədris ilində Azərbaycandan olan 408 tələbənin ABŞ-da təhsil aldığını göstərir.
Yeni Open Doors məlumatlarının nəşri ABŞ-da təhsil almaq, öyrənmək və təcrübə mübadiləsi aparmaq məqsədilə xarici ölkələrdən gələcək liderlərin cəlb edilməsinə yönələn Beynəlxalq Təhsil Həftəsi ilə eyni vaxtda təsadüf edib.
Beynəlxalq Təhsil Həftəsi Azərbaycanda EducationUSA tərəfindən təşkil edilir, müxtəlif tələbələri cəlb edir və onlara ABŞ təhsil sistemi barədə məlumat verməklə ABŞ-a üz tutan tələblərin sayının artırılmasına xidmət edir.
2014/2015-ci tədris ili üzrə göstəricilərə əsasən Azərbaycandan olan tələbələr ABŞ-da əsasən natamam ali təhsil pilləsində təhsil almağa meyl ediblər. Belə ki, tələbələrin 38 faizi tam ali təhsil, 42 faizi natamam ali təhsil, 13 faizi könüllü praktik təlimlər, 7 faizi isə İngilis dili kursları və ya qısa-müddətli kurslar kimi qeyri-dərəcə proqramları üzrə təhsil alır.
Hazırda beynəlxalq tələbələr ABŞ ali təhsil ocaqlarına daxil olan 20 milyon nəfərdən artıq tələbənin demək olar ki, beş faizini təşkil edir ki, bu da ötən illərdəki təqribən dörd faizlik göstəricidən yüksəkdir.
Bu artım həm ABŞ ali təhsil müəssisələrinə qəbul olan beynəlxalq tələbələrin sayının artması, həm də amerikalı tələbələrin sayının azalması ilə izah olunur.
* Daha ətraflı məlumatı OpenDoors-www.iie.org/opendoors saytında əldə etmək olar. -02D-
-
- İqtisadiyyat
- 19 Noyabr 2015 12:52
-
- Sual-cavab
- 19 Noyabr 2015 13:05
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz