Emin Aslan
Bakı/04.06.18/Turan: Amerikada ali hüquq təhsilini başa vurub, yenicə Bakıya dönən hüquqşunas Emin Aslanın saxlanıldığı bildirilir.
Bu haqda AzadlıqRadiosuna onun yaxınları bildiriblər.
Məlumata görə, Emin Aslan günortadan sonra "Park Bulvar" alış-veriş mərkəzində özlərini təqdim etməyən 3 nəfər tərəfindən saxlanılıb. Həmin şəxslər Emin Aslanın onlarla bərabər polisə getməsini istəyiblər.
Emin Aslanın konkret olaraq, hansı quruma aparılması barədə məlumat verilmir.
Yaxınları artıq olayla bağlı Daxili İşlər Nazirliyinə müraciət ediblər. DİN-dən hüquqşunasın yaxınlarına əlavə bilgi verilməyib. Nazirliyin "102" xidmətindən ərizə ilə ərazi üzrə polisə müraciət olunması tövsiyyə olunub.
E.Aslana vəkil tutulduğu, vəkilin hüquqşunasın yerinin müəyyən edilməsi ilə bağlı çalışdığı bildirilir.
Hüquqşunas Emin Aslan son 6-7 il ərzində əsasən, müxtəlif QHT-lərlə, beynəlxalq təşiklatlarla əəməkdaşlıq edib.
2014-cü ildən sonra bir müddət Gürcüstanda yaşayıb, işləyib. İki ilə əvvəl isə ABŞ-dakı Sirakuz Universitetinə daxil olub.
Emin Aslan 3 gün əvvəl Bakıya dönüb.-0--
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz