Şənbə günü ABŞ-ın Azərbaycandakı səfiri Robert Sekuta və xanımı Amerika hökumətinin sponsorluq etdiyi FLEX təhsil proqramının məzunları ilə birlikdə Torpaq Gününü Abşeron çimərliklərindən birində təmizlik işlərinin aparılması ilə qeyd ediblər.
İşlər başa çatdıqdan sonra səfir Abşeron Milli Parkına gedərək “Parklarda gəzinti” kampaniyasının başlandığını bildirib. O, sonrakı il ərzində Azərbaycanın bütün milli parklarına getmək niyyətində olduğunu açıqlayıb. Bu kampaniya ABŞ Milli parkları sisteminin yaradılmasının yüzilliyi ilə üst-üstə düşür.
Sekuta qeyd edib ki, milli parklar təkcə təbiətin mühafizəsi və insanların istirahəti baxımından yox, həm də gəlir cəlb edilməsi baxımından vacibdir.
ABŞ milli parklar sistemi hər il 30 milyard dollar məbləğində gəlir gətirir.
Bununla yanaşı səfir təkcə milli parklarda deyil, həm də hər yerdə ətraf mühitin qorunmasının vacibliyini vurğulayıb.
Sekuta deyib ki, milli parka getməklə və çimərliyin təmizlənməsində iştirak etməklə təbiətin qorunmasında hər kəsin rolunu xatırlatmaq istəyib.
O, bu təbiət obyektlərinə baş çəkmək üçün şərait yaratdıqlarına görə Azərbaycan Ekologiya və Təbii Sərvətlər Nazirliyinə, milli parkların personalına təşəkkürünü bildirib.
Çimərliklərin təmizlənməsi tədbiri FLEX proqramı məzunlarının təşəbbüsü ilə hər il keçirilir.
Onların əksəriyyəti ABŞ-ın orta və ali məktəblərində təhsil alıb, il ərzində amerikalı ailələrdə yaşayıb.
Torpaq Günü münasibətilə keçirilən builki tədbirdə ABŞ-da təhsil almış 25 məzun və Amerika səfirliyinin 15 əməkdaşı iştirak edib.—07D--
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz