Prezident İlham Əliyev 2012-2015-ci illər üçün Açıq Hökumətin təşviqi üzrə Milli Fəaliyyət Planını təsdiq edib.
Sənədin preambulasında qeyd edilir ki, plan dövlət orqanlarının fəaliyyətində şəffaflığın artırılması, onların hesabatlılığının təmin edilməsi, ictimaiyyətin iştirakının genişləndirilməsi, yeni texnologiyaların tətbiqi prinsiplərinə əsaslanır.
Sənəddə xatırladılır ki, Azərbaycan hələ 2011-ci ildə beynəlxalq Açıq Hökumət Tərəfdaşlığı təşəbbüsünə qoşulub.
Plan əhalinin informasiya almasının asanlaşdırılmasını və bu məqsədlə informasiya verilməsinə görə məsuliyyət daşıyan dövlət qulluqçuları üçün treninqlər keçirilməsini nəzərdə tutur.
Bundan başqa, dövlət orqanlarının üzərinə müntəzəm olaraq internet-saytları vasitəsilə öz işləri barədə məlumat vermək, saytlarda illik hesabatlar yerləşdirmək öhdəliyi qoyulur.
Dövlət orqanlarına həmçinin müntəzəm olaraq mətbuat konfransları keçirmək və ictimaiyyətlə birbaşa əlaqələr qurmaq tapşırılır.
Həmçinin vətəndaş cəmiyyəti institutlarının qanun layihələrinin hazırlanması prosesinə cəlb edilməsi nəzərdə tutulur.
Dövlət orqanları həmçinin “açıq qapı” vətəndaş forumları keçirəcəklər.
Elektron xidmətlərin genişləndirilməsi nəzərdə tutulur.
Bununla yanaşı, maliyyə nəzarəti orqanlarının fəaliyyətlərinin nəticələri haqqında müntəzəm hesabatlar vermək yolu ilə şəffaflığının artırılması nəzərdə tutulur.
Vergi orqanlarının fəaliyyəti MVF-nin vergi şəffaflığı məcəlləsinə uyğunlaşdırılmalıdır.
Həmçinin, mədən sənayesi sahəsində fəaliyyət göstərən QHT-lərlə, yerli və xarici şirkətlərlə əməkdaşlığın davam etdirilməsi nəzərdə tutulur.
Azərbaycanda Mədən Sənayesində Şəffaflıq Təşəbbüsünün tətbiqi haqqında illik hesabatların dərc edilməsi nəzərdə tutulur.
Bundan başqa, plan Açıq Hökumətin məqsədlərinə nail olunması üzrə tədbirlərdə iştirak edən vətəndaş cəmiyyəti institutlarına maliyyə dəstəyi nəzərdə tutur. -06D-
Cəmiyyət
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
-
Azərbaycan Hava Yollarına (AZAL) məxsus Embraer 190/195 təyyarəsi Bakı-Kazan marşrutu üzrə uçuş zamanı, yanvarın 1-də Astrakhan üzərində radio maneələr və GPRS pozuntuları ilə üzləşib. Bu barədə Turan aviasiya sahəsindəki mənbəyə istinadən məlumat yayıb. Təyyarənin aviyonikası yalnız Astrakhan hava məkanını tərk etdikdən sonra normal fəaliyyətini bərpa edib.
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
Rəy yaz