Aİ Azərbaycan nümayəndəliyi jurnalistlər üçün ikitərəfli əməkdaşlıq mövzusunda müsabiqə elan edib
Bakı/12.07.19/Turan: Avropa İttifaqının Azərbaycan nümayəndəliyi jurnalistlər üçün əməkdaşlığın müxtəlif aspektlərini əhatə edən mövzular üzrə müsabiqə elan edib.
Sentyabrın 19-da başa çatacaq müsabiqəyə məqalələr, televiziya və radioreportajlar, sənədli fotoqrafiya, dörd mövzu: iqtisadi inkişaf, bazar imkanları; struktur möhkəmləndirilməsi və yaxşı idarəçilik; enerji effektivliyi, ətraf mühit, iqlim dəyişikliyi; mobillik və insanlar arasında əlaqələr üzrə müəllif məqalələri qəbul edilir.
Müsabiqəyə materiallar Azərbaycan, ingilis və rus dillərində təqdim edilə bilər.
Müsabiqə materiallarını Azərbaycanın media ekspertlərindən ibarət Münsiflər Heyəti qiymətləndirəcək. Aİ Azərbaycan nümayəndəliyi qaliblərin müəyyən edilməsi zamanı Münsiflər Heyətinin rəyini nəzərə alacaq.
Qaliblər oktyabrda elan olunacaq. Hər kateqoriya üzrə qalibə 500 manat məbləğində pul mükafatı veriləcək.-71C-
Cəmiyyət
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
Rəy yaz