Bakı/14.09.17/Turan: Bloger Aleksandr Lapşin bu gün səhər Azərbaycanı tərk edib. Bu barədə Turan-a Bakı aeroportundakı mənbə bildirib. O, anası Bella Lapşina ilə birlikdə saat 8:35-də Bakı-Tel-Əviv birbaşa reysilə Bakıdan yola düşüb.
*Xatırladaq ki, A.Lapşin iyulun 20-də sərhəddi qanunsuz keçmək ittihamı ilə azadlıqdan məhrum edilmişdi. Bundan öncə Azərbaycan dövlətinin əleyhinə çağırışlarda ittiham olunmuşdu. Bu ittihamlar onun Dağlıq Qarabağ separatçılarını dəstəkləyən bəyanatları ilə bağlı olub.
Ancaq A.Lapşin məhkəmədə özünü təqsirkar saymayaraq bildirib ki, Azərbaycanın ərazi bütövlüyünün əleyhinə deyil və Qarabağa səfərləri turistuk xarakter daşıyıb. Və bu ittiham onun üzərindən götürülüb.
Sentyabrin 11-de prezident İlham Əliyev onu əfv edib.
A.Lapsin Azərbaycanın sorğusu əsasında 2016-cı il dekabrın 16-da Minskdə saxlanılaraq Bakıya verilmişdi.-06B-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz