Martın 14-də ölkəni̇n Ali Məhkəməsi ömürlük həbs cəzasına məhkum edilmiş XTPD (Xüsusi Təyinatlı Polis Dəstəsi) üzvləri Elçin Əmiraslanov, Şəfa Poladov və Arif Kazımovun kassasiya şikayətini təmin etməyib.
Məhkumlar ömürlük həbs cəzasını 20 il azadlıqdan məhrumetmə ilə əvəz etməyi xahiş ediblər.
Xatırladaq ki, hər üçü 1995-ci ilin mart hadisələrində iştiraka görə mühakimə olunublar. Həmin vaxt XTPD üzvləri ilə Azərbaycan SQ-nin birləşmələri arasında silahlı qarşıdurma baş verib. XTPD və onun komandiri - DİN başçısının müavini Rövşən Cavadov hakimiyyəti silah gücünə ələ keçirmək cəhdində ittiham olunmuşdular. Döyüşlər zamanı onlarla insan, o cümlədən Cavadov həlak olmuşdu, sağ qalanlar isə uzunmüddətli cəzalara məhkum olunublar.
XTPD üzvlərinin bir hissəsi əvf olunub, bir hissəsi isə uzunmüddətli cəza çəkib. Əmiraslanov, Poladov və Kazımov XTPD-nin həbsdə qalan son üzvləridir.
Aşağı instansiya məhkəmələri onların cəzanın dəyişdirilməsi haqqında müraciətlərini təmin etməyiblər. -16D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz