“A.M.A.Y” şirkətinin rəhbəri Abdulla Abdullayevin vəkilləri Ali Məhkəməyə müraciət edib və A.Abdullayevin kassasiya şikayətinə martın 2-də baxılması gözlənilir. Bu haqda Turan-a vəkil Osman Kazımlı bildirib.
O.Kazmılı şikayətə İlham Cəfərovun sədrlik etdiyi hakim heyətinin baxacağını söyləyib.
2014-cü il aprelin 4-də həbs olunan A.Abdullayev Bakı Ağır Cinayətlər Məhkəməsinin hökmü ilə 2015-ci il sentyabrın 7-də 13 il azadlıqdan məhrum edilib. Onunla birlikdə mühakimə olunan şirkətin keçmiş əməkdaşları Heydər Rzayev, Mehman Məmmədxanlı, Elşən Novruzov və Vidadi Qurbanovun
hər birinə 9 il, Nadejda İlyasovaya isə 8 il şərti cəza verilib. Onlar dələduzluq, mənimsəmə kimi əməllərdə təqsirləndirilir.
A.Abdullayevin vəkili O.Kazımlı A.Abdullayev barəsində çıxarılan məhkəmə qərarlarını qanunsuz və əsassız hesab edir. A.Abdullayev isə özünü təqsirli bilmir. -05B-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz