AMAY şirkətinin rəhbəri Abdulla Abdullayevin nöbvəti məhkəmə prosesi keçirilib

Cümə axşamı Bakı Ağır Cinayətlər Məhkəməsində AMAY şirkətinin rəhbəri Abdulla Abdullayev və təqsirləndirilən daha 5 nəfərin nöbvəti məhkəmə prosesi keçirilib.

Bu məhkəmə prosesində də isitntaqın “zərərçəkən” kimi tanıdığı şəxslər dindiriliblər. İstintaqın zərərçəkən şəxs kimi tanıdığı Xudu Xuduyev ölkə prokurorluğu yanında Korrupsiyaya Qarşı Mübarizə Baş İdarəsinə çağırıldığını desə də cinayət işi materiallarında ifadəsini tapmaq mümkün olmyıb. O, idarəyə cəmi bir dəfə çağırıldığını deyib, mənzil alması üçün nə qədər vəsait ödəməsi, mənzilinin başqa adama satılıb-satılmaması barədə sorğu-sual edildiyini deyib.

X.Xuduyev istəyinin “Xudafərin” firmasının Atatürk prospekti 80/78-37-də tikdiyi  binada tamamlama işlərinin başa çatmaq və mənzilinə köçmək olduğunu bildirib.

Zərərçəkənlər məhkəməyə gəlmədikləri üçün hakim növbəti məhkəmə prosesini may ayının 4-nə təyin edib. Bu arada vəkillərlə hakim arasında zərərçəkənlərin məhkəmyə məcburi gətirilməsi haqda qərar çıxarılması müzakirə olunub. Hakim Əfqan Hacıyev bu məsələnin növbəti məhkəmə prosesində həll ediləcəyini deyib.

AMAY rəhbəri A.Abdullayev 2014-cü il aprelində həbs edilib. Korrupsiyaya Qarşı Mübarizə İdarəsi A.Abdullayevə dələduzluq, dövlət vəsaitinin külli miqdarda mənimsənilməsi, səlahiyyətindən sui-istifadə, çirkli” pulların leqallaşdırılması ittihamlarını irəli sürüb. A.Abdullayev bürün ittihamları rədd edərək özünü təqsirli bilmir.-05C-