Ünvanlı sosial yardımları «Elektron hökumət» vasitəsilə almaq mümkün olacaq

Ünvanlı sosial yardımları almaq daha asan olacaq. Bu, «Elektron hökumət» portalı vasitəsi ilə (e-gov.az) mümkün olacaq

Rabitə və Yüksək Texnologiyalar Nazirliyinin Məlumat Hesablama Mərkəzinin məlumatına görə, bu məsələ Əmək və Əhalinin Sosial Müdafiə Nazirliyinin nümayəndələri ilə müzakirə edilib. Toplantıda Vahid Elektron Müraciət və Təyinat Alt Sistemi (VEMTAS) hazırlanması ilə bağlı tələb olunan arayış və məlumatlar üzrə informasiya resurslarının "Elektron Hökumət" portalına inteqrasiyası, habelə, bununla bağlı əlaqəli qurumlarla iş və ünvanlı sosial yardımların təyinatında bütün mərhələlərin elektron təşkili müzakirə olunub.

Bu proses müvafiq proqram təminatı ilə təchiz edilmiş xüsusi kompüter avadanlıqları vasitəsilə aparılacaq və nəticələrin real vaxt rejimində VEMTAS-a ötürülməsini təmin edəcəklər. Bütün əldə olunan məlumatlar ümumiləşdirildikdən sonra müraciət edən ailəyə yardım təyin olunub-olunmaması barədə qərar qəbul olunacaq. Vətəndaşa və ailəsinə bu barədə məlumat yenə də elektron qaydada veriləcək.

İşlər yekunlaşandan sonra "Elektron hökumət” portalına qoşulmuş informasiya sistemləri və ehtiyatları vasitəsilə ünvanlı sosial yardımların təyinatı prosesləri daha rahat və şəffaf olacaq.

1 yanvar 2015-ci il üçün 107 761 ailə və ya 470 237 nəfərə ünvanlı sosial yardım təyin edilib.

Hər ailəyə ünvanlı sosial yardımların orta aylıq məbləği 10.3 % artaraq 138,89 manat, bir nəfərə 31,83  mant olub. --17D—