Quba rayonunun Rustov kənd sakini, həbsdə olan Vəfadar Məmmədov tibbi yardım göstərilməməsindən şikayətlənib. Bu barədə Turan-a onun anası bildirib.
Ananın sözlərinə görə, Vəfadar başında və daxili orqanlarında güclü ağrılar hiss edir ki, bu da MTN təcridxanasında işgəncələrin nəticəsində baş verib.
O qeyd edib ki, oğlu Penitensiar Xidmətin Kürdəxanı təcridxanasına köçürülsə də güclü ağrılarının olmasına baxmayaraq onu həbsxana xəstəxanasına yerləşdirmirlər.
Ana həmçinin ötən ay həbs olunmuş iki oğlunun günahsız olduğunu bildirib.
Xatırladaq ki, yanvarın 8-də Quba rayonu Rustov kənd sakinləri Vəfanur Məmmədov və onun qaynı Nizami Cəfərov həbs olunublar.
Növbəti gün Qubada Vəfanurun qardaşı Vəfadar da saxlanılıb.
Onlara qarşı CM-in 228.2.1-ci maddəsi (bir qrup şəxsin qanunsuz silah və döyüş sursatı saxlaması) ilə cinayət açılıb.
Yerli hüquq-müdafiəçilərinin məlumatına görə, Vəfanur Məmmədov və Nizami Cəfərov “radikal dindar” olmaqda “təqsirləndirilir”. Lakin onların doğmaları bunu inkar edirlər. –06B-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz