![Ana oğlunun daxili orqnalarının götürülməsində israr edir](https://turan.az/resized/750/500/resize/media/2012/main/120700020621.jpg)
Ana oğlunun daxili orqnalarının götürülməsində israr edir
Mərhum əsgər Pərviz İsgəndərovun anası oğlunun cinayət işinin araşdırılmaması ilə bağlı cümə günü RATİ-də mətbuat konfransı keçirib.
Hüquq müdafiəçisi Ələkbər Məmmədov əsgərin 201-ci ilin yanvarında Gədəbəydən əsgəri xidmətə çağırıldığını, Bərdədə xidmət etdiyini bildirib. Əsgər P.İsgəndərov 2012-ci ilin iyununda müəmmalı şəkildə dünyasını dəyişib. O vəfat etdikdən sonra ölüm həddinə çatdırma ittihamı ilə cinayət işi başlanıb.
P.İsgəndərovun 4 əsgər yoldaşı bu cinayətdə təqsirli bilinərək həbsə alınıb. Mərhumun anası Kifayət İsgəndərova hərbi hissə rəhbərlyinin bu ölümü intihar saymasını birmənalı rədd edir. Əsgərin qətlə yetirilməsi versiyasında israrla durur. Ana oğlunun daxili orqanlarının çıxarılaraq satıldığını iddia edir. Hərbi hissənin yaxınlığında yaşayan yerli sakinlərə istinadən bu hərbi hissədə oğlunun qətlinin sayca səkkizinci əsgər ölümü olduğunu deyib. Yenə yerli sakinlərə və Qarabağ qarnizonunun prokuroru Əmrah Mehdiyevə istinadən ölən əsgərlərin daxili orqanlarının satıldığı qeyd edilib. Ana oğlunun ölümündə əsgər yoldaşlarının əli olmasına inanmır və günahkar kimi hərbi hissə rəhbərliyini tanıdığını bildirir.
İstintaqı cinayət işini düzgün araşdırmamaqda ittiham edir. Oğlunun nəşinin eksqumasiya olunmasını istəyən anaya istintaq “əsgərin daxili orqanlarının çıxarılmadığı” cavabını verib. Əsgərin daxili orqanlarının yerində olmamasını isə “çürüməsi”lə əsaslandırmağa çalışıb. Ana bütün bu deyilənləri cəfəngiyyat, orduda əsgər taleyinə biganəlik adlandırır. Son olaraq K.İsgəndərova Hərbi Prokurorluqdan bu işi düzgün araşdırmağı tələb edib.
Mətbuat konfransında bununla əlaqədar daha bir məsələyə toxunulub. Müdafiə Nazirliyinin Tibbi-Hərbi Ekspertiza İdarəsinin hüquq müdafiəçisi Ə. Məmmədovu işgüzar imicə zərbə vurması adı ilə məhkəməyə verib. Dekabrın 3-də məhkəmə baxışı olub. Ə.Məmmədov heç zaman əsgərin daxili orqanlarının satılması ilə bağlı bəyanat vermədiyini bildirib. Ölən əsgər valideynlərinin övladlarının nəşlərindən daxili orqanların götürülməsi haqda dediklərini konstatasiya etdiyini xatırladıb. Ə.Məmmədov özü ilə bağlı məhkəmə prosesinin dekabrın 12-nə kimi təxirə salındığını söyləyib.-05C-
-
- Cəmiyyət
- 7 Dekabr 2012 13:49
-
- İqtisadiyyat
- 7 Dekabr 2012 14:26
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz