Anar Məmmədlinin işi üzrə Ali Məhkəməyə kassasiya şikayəti verilib

Mayın 6-da vəkil Elçin Sadıqov Seçkilərin Monitorinqi və Demokratiyanın Tədrisi Mərkəzinin (SMDTM) Anar Məmmədlinin və daha iki fəal – Bəşir Süleymanlı və Elnur Məmmədovun  işi üzrə Bakı Apellyasiya Məhkəməsinin qərarından kassasiya şikayətini Azərbaycan Ali Məhkəməsinə təqdim edib.

Şikayət ondan ibarətdir ki, Apellyasiya Məhkəməsi fəalların barəsində hökmü qüvvədə saxlayıb, vəkil E.Sadıqov bildirib.

Müdafiə tərəfi hesab edir ki, fəallara qarşı ittihamnamə siyasi motivlərlə saxtalaşdırılıb, birinci instansiya məhkəmə və Apellyasiya Məhkəməsi obyektiv araşdırma aparmayıblar. Kassasiya şikayətində aşağı instansiya məhkəmələrin qərarlarının ləğvi, fəallara qarşı cinayət icraatına xitam verilməsi xahiş edilib.

* Anar Məmmədli Bakı Ağır Cinayətlər Məhkəməsinin 26 may 2014-cü il tarixli qərarı ilə 5,5 il müddətinə, bu QHT-nin icraçı direktoru Bəşir Süleymanlı 3,5 il müddətinə həbs olunub (prezidentin 18 mart tarixli əfv fərmanı ilə B.Süleymanlı azad edilib). Könüllülərin Beynəlxalq Əməkdaşlığı İctimai Birliyinin rəhbəri Elnur Məmmədov da həmin müddətə həbs olunub. Onlar vergidən yayınma, qanunsuz sahibkarlıq, mənimsəmə və s. cinayətlərdə təqsirli biliniblər.

Amnesty International təşkilatı A.Məmmədovu “vicdan məhbusu” kimi tanıyıb. 2014-cü il sentyabrın sonlarında o, Vatslav Havel mükafatına layiq görülüb.-06B-