A.Paşazadə: İŞİD islamı parçalamaq üçün yaradılmış qurumdur
“Din və dünya” III Moskva Beynəlxalq Forumunda Qafqaz Müsəlmanları İdarəsinin (QMİ) sədri, MDB-nin Dinlərarası Şurasının həmsədri, Şeyxülislam Allahşükür Paşazadə çıxış edib.
QMİ sədri postsovet məkanındakı bütün münaqişələrin, o cümlədən Qarabağ münaqişəsinin dinc yolla həll edilməli olduğunu söyləyib. Din xadimləri üçün insan həyatının ən yüksək dəyər olduğunu deyən A.Paşazadə patriarx Kirilə Qarabağ münaqişəsinin dinlərarası münaqişəyə çevrilməməsi yönündə fəaliyyətinə görə təşəkkür edib.
Şeyxülislam Moskva Cümə Məscidinin açılışı münasibətilə müfti Ravil Qaynutdini və Rusiyanın müsəlman icmasını təbrik edib.
QMİ sədri indiki dövrdə terrorçuluğun bütün təzahürləri ilə real mübarizəni vacib sayıb. Həm də bu mübarizənin millət və dinindən asılı olmayaraq bütün insanlar üçün prioritet vəzifəyə çevrilməsinin önəmini qeyd edib: A.Paşazadə dinə zidd ideyalardan qaynaqlanan terrorçu İŞİD-i, islamı qərəzli maraqlarını həyata keçirmək üçün silaha çevirənləri qəti surətdə pislədiklərini söyləyib. “Qəti deyə bilərəm ki, İŞİD islamı parçalamaq üçün düşmənlərin yaratdığı bir qurumdur”, deyə QMİ sədri dini zəminli beynəlxalq terrora münasibət ifadə edib.
Şeyxülislam zorakılıq və terrordan canını qurtararaq torpaqlarını tərk edib Avropaya məcburi üz tutan miqrantlara qarşı qeyri-humanist münasibəti də pisləyib. O, insan həyatına qəsd edənləri, millətlər və dinlərarası münaqişələri, fəlakət planlaşdıran və icra edənləri qınadığını vurğulayıb. Ona görə, bütün bunlar dünyada sülhü və sabitliyi təhlükə altına qoyur. Allah qeyri-insani hərəkət edənləri heç zaman bağışlamayacaq. Rusiyanın İŞİD-in məhvi yönündə keçirdiyi antiterror əməliyyatlarını dəstəklədiyini deyən QMİ sədri İŞİDİ islamı terrora, zorakılıq və vandalizmlə bağlamağa cəhd göstərən bir qurum adalandırıb. Onun fikrincə, dövlətlər, ictimai-siyasi xadimlər və dini qurumlar ekstremizm və radikalizmlə birlikdə mübarizə apara bilərlər.
A.Paşazadə RF prezidenti Vladimir Putinin Dövlət Dumasına təqdim etdiyi Quran və İncildən sitatların ekstremist material sayılmasına qadağa qoyan qanun layihəsinin əhəmiyyətini xüsusi qeyd edib.
“Din və Dünya” beynəlxalq konfransı Moskva hökumətinin təşkilatçılığı ilə keçirilir. Forum çərçivəsində müasir dünyada dinin rolu müzakirə edilir. Yaxın Şərqdəki durum, regionda dinlərarası sülhə nail olunması, dini xeyriyyə qurumlarının fəaliyyəti, ənənəvi mənəvi-əxlaqi dəyərlərin qorunub saxlanılması məsələləri də müzakirə olunur. -05D-
-
- İqtisadiyyat
- 29 Oktyabr 2015 18:09
-
- Cəmiyyət
- 29 Oktyabr 2015 20:51
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz