Bir sıra KİV-in bu gün Rabitə və Yüksək Texnologiyalar naziri Əli Abbasovun işdən qovulması haqqında yaydığı məlumat təsdiqini tapmır.
Nazirliyin mətbuat xidmətinin rəhbəri Müşfiq Əmirov bu məlumatları təkzib edib.
“Nazir öz iş otağındadır, öz funksiyalarını yerinə yetirir”, deyə o, Turan-ın müxbiri ilə söhbətində nazirin vəzifədən kənarlaşdırılması haqqında məlumatları şərh edərkən bildirib.
Qeyd edək ki, bir müddət əvvəl bu idarənin iki yüksək vəzifəli işçisi – Beytullah Hüseynov və Vidadi Zeynalov həbs edilib.
Birincisi Bakı Telefon Şəbəkəsinin rəhbəri, ikincisi isə Nazir Aparatının rəhbəri idi.
Onlar hər ikisi ölkənin yüksək vəzifəli şəxslərinin Milli Təhlükəsizlik Nazirliyi tərəfindən təşkil edilmiş qanunsuz dinlənməsi qalmaqalında iştirak ediblər. -0В-
İqtisadiyyat
-
Rusiya və İran Azərbaycandan keçən qaz kəməri marşrutu üzrə razılığa gəliblər. Bunu Rusiyanın energetika naziri Sergey Tsivilyov bildirib. Rusiyalı nazır qeyd edib ki, tərəflər hazırda danışıqların yekun mərhələsindədir, həcmlər artıq müəyyən olunub.
-
Yanvarın 20-də Davosda keçirilən Dünya İqtisadi Forumunun illik toplantısı çərçivəsində Azərbaycan Respublikasının Prezidenti İlham Əliyev "Oliver Wyman Group" şirkətinin baş icraçı direktoru Nik Studer ilə strateji dialoq aparıb.
-
Prezident İlham Əliyev Davosda keçirilən Dünya İqtisadi Forumu çərçivəsində "The Goldman Sachs Group Inc." şirkətinin qlobal məsələlər üzrə prezidenti Cared Kohen ilə görüşüb.
-
Davosda keçirilən Ümumdünya İqtisadi Forumunda Azərbaycanın iqtisadiyyat naziri Mikayıl Cabbarov “Liderlər Dairəsi: Enerji Keçidinin Maliyyələşdirilməsi – Yeni Üfüq” adlı sessiyada iştirak edib. Cabbarov uğurlu enerji transformasiyasına nail olmaq üçün mövcud imkanlar və əsas çağırışlar haqqında müzakirələri vurğulayıb, enerji keçidinin maliyyələşdirilməsinin kritik əhəmiyyətini diqqətə çatdırıb.
Rəy yaz