A.Paşazadə Qareginə erməni əsirlərlə görüş haqqında məruzə edib

Azərbaycanın dini lideri şeyx Allahşükür Paşazadə erməni katolikosu II Qareginə erməni hərbi əsiri Akop İncigulyanla görüşünün nəticələri haqqında məktub göndərib. Bu barədə məlumat yayan şeyxin mətbuat xidməti hesabat-məktubun təfsilatını açıqlamır.

Qafqaz Müsəlmanları İdarəsindəki mənbə Turan-a bildirib ki, erməni din xadiminin şeyxə yazılı müraciət etdiyini nəzərə almaqla, Qareginə məktub “diplomatik cavab addımı” idi.

Xatırladaq ki, şeyx İciqulyana II Qareginin xahişi ilə baş çəkib. Şeyxlə birlikdə noyabrın 1-də ölkənin pravoslav, yəhudi və katolik konfessiyalarının rəhbərləri də hərbi əsirə baş çəkiblər.

Qeyd edək ki, indiyədək şeyx çoxsaylı müraciətlərə baxmayaraq, Azərbaycanlı hərbi əsirlərə bir dəfə belə baş çəkməyib.

Xatırladaq ki, İnciqulyan avqustun 8-də könüllü olaraq Azərbaycan tərəfə keçib. O, öz hərəkətlərini zabitlər tərəfindən sıxışdırılması ilə izah edib.

O, Azərbaycanda üçüncü ölkəyə göndərilməsini xahiş edib ki, bu da Ermənistanda etirazlara səbəb olub. Ermənistanda bəyanatların təzyiq altında verildiyini hesab edirər. -02D/05-