![Apellyasiya Məhkəməsi AXCP fəallarını həbsdə saxlayıb](https://turan.az/resized/media/2020/main/042200026140-750-500-resize.webp)
Apellyasiya Məhkəməsi AXCP fəallarını həbsdə saxlayıb
Bakı/22.04.20/Turan: Aprelin 21-də Bakı Apellyasiya Məhkəməsi hakim Habil Məmmədovun sədrliyi ilə Azərbaycan Xalq Cəbhəsi Partiyasının (AXCP) fəalları Faiq Əmirov (AXCP sədri Əli Kərimlinin köməkçisi və “Azadlıq” qəzetinin maliyyə direktoru) və Ruslan Əmirovun (AXCP sədrinin ictimai əsaslarla mühafizəçisi) inzibati həbslərindən verilən şikayətləri təmin etməyib.
AXCP-nin məlumatına görə, inzibati həbs olunanlar məhkəmə iclasına gətirilməyib. Şikayəti vermiş vəkillər Bəhruz Bayramov (Ruslan Əmirovun vəkili), Fəxrəddin Mehdiyev ( Faiq Əmirovun vəkili) məhkəmə iclasında iştirak edib, apellyasiya şikayətini müdafiə ediblər.
Faiq Əmirov aprelin 8-də yaşadığı evin həyətində saxlanılıb. Barəsində İnzibati Xətalar Məcəlləsinin 211-ci maddəsi (karantin rejimin pozulması) ilə protokol tərtib olunub. Aprelin 9-da Səbayel Rayon Məhkəməsi onun barəsində 30 sutka inzibati həbs qərarı verib.
Ruslan Əmirov isə aprelin 9-da azyaşlı övladını həkimə apararkən (müfaviq kateqoriya üzrə SMS icazəsi olub) saxlanılıb və həmin gün Nərimanov Rayon Məhkəməsinin qərarı ilə İnzibati Xətalar Məcəlləsinin 211-ci maddəsi ilə 30 sutka inzibati qaydada həbsə məhkum edilib.
AXCP hər iki fəalın həbsini siyasi sifariş hesab edir.
DİN həbslərin siyasi motivli olduğunu inkar edir.-03B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz