Çərşənbə günü Bakı Apellyasiya Məhkəməsində Nida Hərəkatının fəalı Bayram Məmmədovun həbs müddətinin uzadılmasından apellyasiya şikayətinə baxılıb.
Məhkəmə şikayəti təmin etməyib, fəalı həbsdə saxlayıb.
Xatırladaq ki, Məmmədov və digər fəal Qiyas İbrahimov mayın 10-da saxlanılıb, iki gün sonra isə Bakının Xətai rayon məhkəməsi onları böyük ölçüdə narkotik maddə saxlamaq ittihamı ilə həbs edib.
Məhkəmələrdə fəallar işgəncə altında etirafedici ifadə verdiklərini bildiriblər. Əslində fəallar həbslərinin səbəbinin Heydər Əliyevin abidəsi üzərində “Qul bayramınız mübarək!”, “Rədd olsun sistem!” şüarları yazmaq olduğunu bildiriblər. Hər iki fəal Amnesty İnternational tərəfindən “vicdan məhbusu” kimi tanınıb. -16D-
Cəmiyyət
-
Oktyabrın 29-da paytaxtda hava şəraiti dəyişkən olacaq. Gecə və səhər bəzi yerlərdə yağış yağa bilər. Bəzi yerlərdə duman olacaq. Şimal-qərb küləyi əsəcək.
-
Baş Prokurorluq Kənd təsərrüfatı mallarının ixracı ilə əlaqəli olan və bundan əldə olunan vəsaiti ölkəyə qaytarmayan vəzifəli şəxslərin növbəti qrupunun "ifşa" edildiyini bildirib.
-
Oktyabrın 26-da saat 04:35-də Azərbaycandan Rusiya istiqamətində hərəkət edən yük qatarının vaqonunda yüklərin arasında gizlənərək dövlət sərhədini qanunsuz keçməyə cəhd göstərən şəxs Dövlət Sərhəd Xidməti əməkdaşlarının sayıqlığı nəticəsində saxlanılıb.
-
Oktyabrln 28-də səhər güclü yağıntı nəticəsində Bağırov köprüsünü su basıb. Nəticədə Heydər Əliyev prospektində nəqliyyatın hərəkətində tıxac yaranıb, avtomobil sürücüləri bildiriblər.
Rəy yaz