Açiq mənbələrdən foto.
Bakı/29.08.22/Turan: Bakı Apellyasiya Məhkəməsi hüquq müdafiəçisi Elçin Məmmədin cəzasının yarısını çəkməsi ilə əlaqədar vaxtından əvvəl şərti azadlığa buraxılmasından imtina haqqında şikayətini təmin etməyib. Bu barədə Turan-a onun anası Rahilə Məmmədli bildirib.
"Elçin məhkəmədə çıxış edib və ittihamların saxtalaşdırıldığını bildirib.
Sumqayıtda Elçinin ofisinin qarşısında şəhər təhlükəsizliyi videomüşahidə kamerası quraşdırılıb. Bu kameranın görüntülərinə baxılsa, gecə vaxtı kənar şəxslərin onun ofisinə girdiyi, güllə və "zərərçəkmişin" zinət əşyalarını qoyduğu aydın olacaq. Ofisin sahibi də onda ofisin başqa açarı olduğunu etiraf edib. Oğlumu sübutsuz mühakimə ediblər", deyə Rahilə Məmmədova bildirib.
Onun sözlərinə görə, prokuror onun oğlunu "əməlindən peşman olmadığına" görə qınayıb.
"Oğlum törətmədiyi cinayəti heç vaxt etiraf etməyəcəyini deyib. Məhkəmə nəinki oğlumun təqsirsiz olduğunu, hətta mənim - onkoloji xəstəliyi olan yaşlı anasının, yetkinlik yaşına çatmayan iki övladının onun himayəsində olduğunu da nəzərə almayıb. Elçin özü də xroniki xəstəliklərdən əziyyət çəkir", deyə Məmmədli qeyd edib.
O, apellyasiya instansiyasının qərarından Ali Məhkəməyə kassasiya şikayəti veriləcəyini bildirib.
Məmmədin inzibati cəzası olmamasına baxmayaraq, bundan əvvəl cəzasının 1/3-ni çəkməsi ilə əlaqədar onun cəzasının yüngülləşdirilməsindən də imtina olunub.
* "Sumqayıt Gənclərinin Hüquqi Maarifləndirilməsi" QHT-nin rəhbəri və "Yüksəliş Naminə" saytının redaktoru Elçin Məmməd 2020-ci ilin martında həbs olunub. Elə həmin il oktyabrın 17-də Sumqayıt Şəhər Məhkəməsi onu "oğurluq" və "qanunsuz döyüş sursatı və silah saxlamaq"da təqsirli bilərək, 4 il azadlıqdan məhrumetmə cəzasına məhkum edib.
Amnesty İnternational, PEN, FİACAT və digər beynəlxalq təşkilatlar Məmmədin həbsini pisləyib. Yerli hüquq müdafiəçiləri onu siyasi məhbus kimi tanıyıblar. 06В
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz