Açiq mənbələrdən foto.
Bakı/06.08.20/Turan: Bu gün Bakı Apellyasiya Məhkəməsi (Şərafət Məmmədovanın sədrliyi ilə) Azərbaycan Xalq Cəbhəsi Partiyasının (AXCP) lideri Əli Kərimlinin şikayətinə baxıb.
Şikayət Nəsimi Rayon Məhkəməsinin Ə.Kərimlinin RYTN, DİN, DTX, Dövlət Mühafizə Xidməti, “Azercell” MMC mobil rabitə operatoru və “AzQtel” MMC provayder şirkətə qarşı (“Sazz” ticarət brendi) İnternet və mobil rabitə xidmətlərinin məhdudlaşdırılması ilə bağlı iddiasına baxmaqdan imtina etməsilə əlaqədar verilib.
Ə.Kərimli 21 aprel tarixli iddia ərizəsində bildirib ki, 13 aprel saat 22:00-dan etibarən onun və ailə üzvlərinin mobil rabitə və İnternetə çıxışı kəsilib. İddia verilən anda rabitə bərpa olunmayıb və Ə.Kərimli bunun siyasi səbəblə oduğunu hesab edib. Bu həmçinin Ə.Kərimlinin köməkçisi və AXCP-nin digər üzvlərinin həbsi ilə eyni vaxta təsadüf edib.
Sərt karantin rejimi şəraitində mobil və İnternet əlaqəsinin məhrum edilməsi onu və ailə üzvlərini ev məhbusluğuna məhkum edib.
Ə.Kərimli məhkəmədən onun hüquqlarının aşağıdakı maddələr üzrə pozulmasının tanınmasını xahiş edib:
Qeyri-insani rəftardan müdafiəni, şəxsi və ailə həyatına müdaxilə etməməyi, söz azadlığını və siyasi motivlərlə təqiblərə yol verilməməsini təmin edən Avropa Konvensiyasının 3, 8, 10, 14 və 18-ci maddələri.
Ə.Kərimlinin xanımı da iddiaçı kimi çıxış edib.
Lakin Nəsimi Rayon Məhkəməsi Ə.Kərimlinin iddiasına baxmaqdan imtina edib.
Bu gün Bakı Apellyasiya Məhkəməsi həmçinin Ə.Kərimlinin birinci instansiya məhkəməsinin qərarından şikayətini təmin etməyib, bu barədə onun vəkili Fəxrəddin Mehdiyev məlumat verib.—B06-
Cəmiyyət
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
-
Azərbaycan 2025-ci ili qədim ənənələrin və müasir bayramların rəngarəng qarışığı ilə qarşıladı. Bu tədbirlər xalqın zəngin mədəni irsini və gələcəyə yönəlmiş arzularını əks etdirdi. Geniş ailə süfrələrindən parlaq ictimai tədbirlərə qədər qeyd etmələr keçmişlə indinin unikal sintezini nümayiş etdirdi.
-
2025-ci ilə qədəm qoyduqca, dünya müxtəlif sahələrdə əhəmiyyətli inkişaflarla qlobal mənzərəmizi yenidən formalaşdırmağa hazır olan həlledici bir mərhələdə dayanır.
-
Avstraliyalı demoqraf və sosioloq Mark Makkrindl “Beta Nəsli”nin yaranmasını təsvir edib — o, bu demoqrafik qrupu 2025-2039-cu illər arasında doğulan insanlar kimi müəyyənləşdirərək, qlobal nəsil kimliyində yeni bir fəsil açıldığını vurğulayıb.
Rəy yaz