Apellyasiya Məhkəməsi jurnalist Nərgiz Absalamovanın şikayətini təmin etməyib
Yanvarın 29-da Bakı Apellyasiya Məhkəməsi Abzas Media-nın həbsdə olan jurnalisti Nərgiz Absalamovanın ailə üzvləri ilə görüş və telefon danışığının qadağan edilməsindən verdiyi şikayəti təmin etməyib.
Vəkil Rövşanə Rəhimlinin Turan-a verdiyi məlumata görə, istintaq qadağanı Absalamovanın ailə üzvləri ilə ünsiyyətindən "cinayət törətmiş digər şəxslərin ifşasına mane olmaq üçün" istifadə oluna biləcəyi ilə əsaslandırır.
Müdafiə tərəfi bu iddiaları əsassız hesab edir.
* Nərgiz Absalamova ötən il noyabrın 20-dən etibarən "Abzas Media-nın işi" üzrə həbs edilən altıncı jurnalist və mətbuat işçisidir. Onlar hamısı valyuta qaçaqmalçılığında ittiham olunublar. Jurnalistlər ittihamları təkzib edirlər və cinayət təqibini Abzas Media-nın korrupsiya faktlarını araşdırması ilə əlaqələndirirlər.
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz