![Apellyasiya Məhkəməsi jurnalistin şikayətini təmin etməyib](https://turan.az/resized/media/2016/main/080900164942-750-500-resize.webp)
Apellyasiya Məhkəməsi jurnalistin şikayətini təmin etməyib
Bakı Apellyasiya Məhkəməsi jurnalist Sevinc Vaqifqızının ölkədən çıxışına qadağa ilə bağlı şikayətini təmin etməyib.
Jurnalistin vəkili Şəhla Hümbətova bildirib ki, məhkəmədə Baş Prokurorluğun İstintaq İdarəsinin xüsusilə mühüm işlər üzrə müstəntiqi Əli Babayev deyib ki, qadağa “Meydan” TV-nin rəhbərliyinə qarşı cinayət işi ilə əlaqədardır, jurnalist bu iş üzrə şahid kimi keçir.
Vəkil bildirib ki, şahidə qadağa qoyulması qanunsuzdur.
Bundan öncə iyulun 25-də Nəsimi Rayon Məhkəməsi S.Vaqifqızının ölkədən çıxışına qadağa ilə bağlı şikayətini icraata götürməkdən imtina edib və jurnalist apellyasiya verib.
2015-cı il sentyabrın 20-də S.Vaqifqızı həmkarları Aytən Fərhadova və İzolda Ağayeva ilə birlikdə Kiyevdən qayıdarkən Bakı aeroportunda saxlanılıb. Onları DİN Baş Mütəşəkkil Cinayətkarlığa Qarşı Mübarizə İdarəsinə aparıblar. Növbəti gün buraxıblar. Lakin jurnalistlərin hansı əsaslarla saxlanması barədə sənəd təqdim edilməyib.
Hakimiyyət uzun müddətdir ki, Berlində yerləşən “Meydan” TV İnternet-resursun işini pozmağa çalışır. Keçmiş siyasi məhbus Emin Millinin təsis etdiyi kanal Azərbaycanda hakim rejimi kəskin tənqid edənlərdən biridir. Bu səbəbdən də jurnalistlər təqib olunur. —06D-
-
- İqtisadiyyat
- 9 Avqust 2016 13:53
Cəmiyyət
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
-
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
-
Ötən həftəsonu respublikanın dağlıq və dağətəyi rayonlarına yağan intensiv yağıntılar növbəti dəfə yolların aşınmasına, yaşayış evlərinin su altında qalmasına və sel sularına səbəb olub.
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
Rəy yaz