Konstitusiya Məhkəməsi Bakı mehmanxanalarının biri haqqında qərar qəbul edib

Azərbaycanın Konstitusiya Məhkəməsi iyulun 29-da Ali Məhkəmənin 14 mart 2014-cü il tarixli qərarının ləğvi barədə qərar qəbul edib. Məhkəmə müəyyən edib ki, Ali Məhkəmə mülkiyyət hüququ və bu iş üzrə üçüncü tərəfin məhkəmə müdafiəsi hüququnu pozub.

Məhkəmə materialında (http://goo.gl/OS7Eej) qeyd edilir ki, “Bank Technique” ASC) birinci instansiya məhkəməsinə müraciət edərək “Mehmanxana Baki” ASC-nin səhmlərinin satışı barədə hərrac qanunsuz hesab edilsin. Cavabdehlər Səbail rayon İcra Şöbəsi, “Bakı Fond Birjası” QSC, 853036 səhm sahibi R.Kərimovdur. Üçüncü şəxslər qismində Milli Depozit Mərkəzi və Azərbaycan Respublikasının Qiymətli Kağızlar üzrə Dövlət Komitəsi cəlb edilib.

30 aprel 2013-cü ildə məhkəmə iddianı rədd edib. Amma Bakı Apellyasiya Məhkəməsi (13 sentyabr 2013) və Ali Məhkəmə iddiaçının xeyrinə qərar çıxarıb.

Konstitusiya Məhkəməsi Hüseyn Marayev müraciət edib. O, birja hərracında deyilən səhmləri alıb. Marayev məhkəmə prosesinə cəlb edilməyib, halbuki bu instansiyaların qərarı birbaşa onun maraqlarına aid idi.

Konstitusiya Məhkəməsinin qərarına əsasən, Ali Məhkəmənin müvafiq qərarı ləğv edilib. Mülki-Prosessual qanunvericiliyə uyğun olaraq, işə yenidən baxılmalıdır.

Qeyd edək ki, “Mehmanxana Baki” ASC-nin S.Vurğun bağına üzbəüz binası (keçmiş «Bakı» mehmanxanası) 2013-cü ildən Bakı ŞİH-nin qərarı ilə sökülüb. 08D