Samir Aşurov
Bakı/28.04.22/Turan: Cümə axşamı Bakı Apellyasiya Məhkəməsi fəal Samir Aşurovun həbsindən şikayəti təmin etməyib və onun 4 ay müddətinə həbs edilməsi barədə məhkəmənin qərarını qüvvədə saxlayıb.
Aşurov martın 29-da Almaniyadan deportasiya edilib və 20 gün sonra Bakıda polis tərəfindən saxlanılıb. Onu Elşən Nəbiyev adlı şəxsə bıçaq xəsarəti yetirməkdə ittiham ediblər (Cinayət Məcəlləsinin 126.2.4-cü maddəsi –xuliqanlıq niyyətilə qəsdən sağlamlığa ağır zərər vurmaq). Onu 6-dan 11 ilədək həbs təhlükəsi gözləyir.
Aşurov ittihamı rədd edir. Həbs olunduqdan sonra ona qarşı təqiblərə son qoyulması tələbilə aclıq elan edib. Onun xanımı Nuranə Aşurova Turan-a bildirib ki, Şüvəlan istintaq təcridxanasında həyat yoldaşını döyüblər, o, mənəvi təzyiqlərə məruz qalıb. Eyni zamanda ona telefon etmək hüququ verilməyib.
“Bu barədə mənə çərşənbə günü istintaq təcridxanasına getdiyim zaman dedi. Samir vəziyyəti kəskin pisləşdiyindən aclığı dayandırmaq məcburiyyətində qalıb. O, şəkərli diabet xəstəsidir”, - Aşurova deyib.
O bildirib ki, Almaniya səfirliyinə müraciət edib, lakin heç kim onu qəbul etməyib.
“Bizi Almaniyadan deportasiya edərkən bildirdilər ki, Samir həbs olunmayacaq və problem olarsa, səfirliyə müraciət edə bilərik. Amma indi səfirliyə qəbula düşə bilmirəm", - Aşurova deyib.
O, həyat yoldaşının saxta ittihamla həbs olunduğuna əmindir. O, Samirin həbsini Almaniyada siyasi mühacirlərin insan hüquqlarının pozulmasına qarşı keçirdikləri etiraz aksiyalarında iştirakı ilə əlaqələndirib. – 30B06-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz