Beynəlxalq indeksdə Azərbaycanla bağlı hansı yanlışlıqlar sonradan düzəldildi? – Fuad Həsənov “Çətin sual` qarşısında

Bakı/28.04.22/Turan: Beynəlxalq Təbii Resursların İdarə Edilməsi İnstitutunun (NRGI) – dünyanın müxtəlif ölkələrində təbii resursların idarə olunması ilə bağlı qlobal problemlərin öyrənilməsi üzrə ixtisaslaşan QHT rəhbərliyi 2021-ci ilin sonunda dərc edilmiş “2021-ci il üzrə Azərbaycan üçün Təbii Resursların İdarəedilməsi İndeksi” (RGI) ilə əlaqədar Mədən Sənayesində Şəffaflığın Artırılması üzrə QHT Koalisiyası (MSŞA və ya EITI) tərəfindən irəli sürülən tövsiyələrin əsaslılığını etiraf edib.

Qeyd edək ki, MSŞA Koalisiyası  tərəfindən RGI-yə ünvanlanan düzəlişlərin sayəsində hesabatda təqdim olunan dörd mühüm bəndə (göstəriciyə) dəyişiklik edilib.

Mədən Sənayesində Şəffaflığın Artırılması üzrə QHT Koalisiyasının, eyni zamanda “Ödədiyini Açıqla” Təşkilatının Qlobal Şura üzvü Fuad Həsənov Kamran Mahmudovun təqdimatında yayımlanan “Çətin sual” verilişində bu barədə məlumat verir.