ABŞ Konqresində Ukrayna üçün lend-lizin açılmasını dəstəkləyiblər

Kiyev/28.04.22/UNIAN: Amerika Birləşmiş Ştatları Konqresinin Aşağı Palatası Ukrayna üçün lend-lizin açılmasına baxıb  və dəstəkləyib. Bu barədə Ukrayna prezidentinin ofisinin rəhbəri Andrey Yermak bildirib.

Andrey Yermakın sözlərinə görə, sənədin mətnində "mülki əhalinin Rusiyanın hərbi müdaxiləsindən qorunması" və digər məqsədlər üçün Ukraynaya müdafiə vasitələrinin verilməsi və ya icarəyə verilməsilə bağlı ABŞ prezidentinə geniş səlahiyyətlərin verilməsindən danışılır.

Akt qəbul edildikdən sonra Ağ Evin sədri məhsulların sürətli çatdırılması prosedurunu 60 gün ərzində müəyyən etməlidir.

"Lend-liz haqqında qanun ABŞ-dan bizə silah, nəqliyyat, ərzaq və yardımların tədarükünü xeyli sürətləndirməyə imkan verir. Bütün bunlar bizə rus ordusunu ərazilərimizdən çıxarmağa imkan verəcək. Həmçinin başa düşmək lazımdır ki, lend-liz ABŞ-ın Ukraynanın Rusiya üzərində qələbəsinə əminliyi deməkdir. Bu, rus şərinə qarşı mübarizədə sivil dünyanı öz ətrafında birləşdirməyi bacaran sarsılmaz xalqımızın mühüm qələbəsi olacaq”, - prezident ofisinin rəhbəri qeyd edib.

Bundan öncə Ukrayna prezidentinin ofis rəhbərinin müavini Andrey Sibiq bildirib ki, Ukrayna lend-liz məsələsilə bağlı təkcə  ABŞ ilə deyil, həm də avropalı tərəfdaşlarla işləyir.—0—