ABŞ və tərəfdaş ölkələr azad İnternetə qlobal dəstək elan ediblər

Vaşinqton/28.04.22/Turan: Cümə axşamı ABŞ və 60 tərəfdaş ölkə "Gələcək İnternet Bəyannaməsi" və ya DFI - Rusiya və Çin tərəfindən ciddi siyasi çağırışlar fonunda demokratik ölkələrin İnternet və rəqəmsal texnologiyaları təşviq etmək öhdəliyini açıqlayıblar.

Azərbaycan sənədi imzalayan ölkələr sırasına daxil deyil. Hələlik Cənubi Qafqaz ölkələrindən bu təşəbbüsə yalnız Gürcüstan qoşulub, Turan-ın Vaşinqtondakı müxbiri bildirib.

Bəyannamə ölkələrin "İnternet və rəqəmsal ekosistemə qarşı necə davranmasının" fundamental prinsiplərini təsdiqləmək məqsədi daşıyır, - Bayden administrasiyasının yüksək vəzifəli məmuru jurnalistlərə bildirib.

"Bizi rəqəmsal texnologiyaların demokratiya, sülh, qanunun aliliyi, davamlı inkişaf, insan hüquqları və əsas azadlıqları təmin etmək potensialına inam birləşdirir",- bəyannamədə deyilir.

Bəyannamənin prinsiplərinə aşağıdakı öhdəliklər daxildir:

- insan hüquqlarını və bütün insanların əsas azadlıqlarını qorumaq;

- qlobal İnternet və azad informasiya axınını təşviq etmək;

- bütün insanların rəqəmsal iqtisadiyyatın üstünlüklərindən istifadə edə bilməsi üçün əlverişli əlaqəni təşviq etmək;

- məxfiliyin qorunması vasitəsilə qlobal rəqəmsal ekosistemə inam yaratmaq;

- İnternetin işini dəstəkləyən əlaqədar tərəfləri qorumaq.

“Bu bəyannamə üzrə tərəfdaşlar bizim demokratik sistemi möhkəmləndirən və hər bir vətəndaşın demokratik proseslərdə fəal iştirakına yardım edən, insanların şəxsi həyatını təmin və müdafiə edən, təhlükəsiz və etibarlı əlaqəni təmin edən, qlobal İnternetin parçalanma cəhdlərinə davam gətirən,  azad və rəqabət qabiliyyətli qlobal iqtisadiyyata yardım edən mühitin yaradılması üzərində işləmək niyyətindədirlər",- bəyannamədə deyilir. -25В-