Artıq Bakı bulvarınında virtual gəzmək mümkündür

Bu gün Nazirlər Kabineti yanında Dənizkənarı Bulvar İdarəsi və Baku3d.az saytının birgə təşkilatçılığı ilə ”Bakı Bulvarı 3d formatda 360 dərəcəlik virtual gəzinti”saytının təqdimat mərasimi keçirilildi.

Tədbirdə çıxış edən Bakı bulvarının rəis müavini Nazim Məcidov bildirib ki,Bakı Bulvarının vitual turları 300 nöqtədən çəkilib Virtual turlar həm gecə həm də gündüz formatda çəkilmişdir. Bulvarın virtual gəzintisinin hazırlanmasında məqsəd internet vasitəsilə dünyanın istənilən yerindən bura ilə tanış olmağa imkan yaratmaqdır.

“Çalışırıq ki, bütün dünyada tətbiq edilən yeniliklər Bakı bulvarında da olsun. Bu məqsədlə Baku3d.az saytına müraciət etdik. Onlar Azərbaycanda ilk dəfə olaraq helikopter vasitəsilə Bakı bulvarını virtual çəkdilər”

Baku3d.az saytının rəhbəri Xosrov Həsənbəyov bildirdi ki, layihənin reallaşmasına 21 min manat vəsait sərf olunub. Onun sözlərinə görə, indi istənilən internet istifadəçisi Bakı Bulvarının rəsmi saytına və yaxud da Baku3d.az saytına daxil olmaqla bulvarın virtual turlarını seyr edə bilərlər. Bu da öz növbəsində, Azərbaycanda turizmin inkişafına daha da müsbət töhfəsini verəcək.

Baku3d.az saytının əsas məqsədi paytaxt Bakıda olan parkları, muzeyləri, məscidləri, tarixi abidələri və s. “3D” formatında birləşdirməkdir. Sayt kataloq xarakter daşıyır. Hazırda sayt 11 dildə fəaliyyət göstərir.-26D-