Boy artımının ləngiməsindən (nanizm) əziyyət çəkən uşaqların valideynləri dövətdən kömək istəyir

Nanizm (boy artımının ləngiməsi) xəstəliyindən əziyyət çəkən uşaqların valideynləri Reportyorların Azadlıq və Təhlükəsizlik İnstitutunda mətbuat konfransı keçirərək,dövlətdən onlara dəstək gəlmədiyini bildiriblər.

Belə ki, valideynlər övladlarının müalicəsi üçün tələb olunan dərmanların vaksinlərin xaricdən gətirldiyini və dövlətin boy artımının qarşısını alan hipofizar çatmamazlıq, şereşevski-terner sindiromlu uşaqların müalicəsinə maliyyə ayrılmadığın iddia ediblər.

Valideyn Əhmədova Dilbər övladının boy artımının ləngiməsinin qarşısını almaq üçün  yaradılan dərmanın çox baha olduğunu və buna imkanı çatmadığını deyib.

Onun sözlərinə görə, boy artımına kömək edən iynənin qiyməti 397 manatdır və onun bir qutusu 15 gün müddətinə vurulmalıdır.

“Mən bu dərmanın əsirənə çevrilmişəm”, deyən valideyn Dilbər Əhmədova evsiz-eşiksiz qalaraq, dərmanı əldə etmək üçün İran İslam Respublikasına gedir.

Dilbər Əhmədova qonşu Gürcüstanda, Ermənistanda, Rusiyada bu kimi dərmanların pulsuz paylandığını söyləyib.

Digər valideyn Abdullayeva Məryəm nəvəsinin də eyni xəstəlikdən əziyyət çəkdiyini  deyib. Onun sözlərinə görə, Səhiyyə Nazirliyinə, Heydər Əliyev adına müdafiə fonduna 4 dəfə müraciət etməsinə baxmayaraq, heç bir nəticə olmadığını bildirib.

Daha sonra nanizmdən (boy artımının ləngiməsi) əziyyət çəkən 18 yaşlı Mirzəyev Mirəli boyundan utanaraq, məktəbə 10 yaşında getdiyini deyib.

Nanizm (nanismus – yunanca nanos-cırtdan; sinonimi: dvarfizm, cırtdanlıq, nanosomiya, mikrosomiya) – anormal qısaboyluluqla (kişilərdə 130 sm-dan, qadınlarda 120 sm-dan az) səciyyələnən patoloji vəziyyətdir. Nanizm genetik səbəbli boy artımı pozuntularının, habelə daxili və xarici orqanların bir sıra xəstəlikləri zamanı boy artımının pozulmasının təzahürü və simptomlarından biridir. Hipofizar nanizmin ən çox rast gəlinən səbəblərindən biri genetik pozuntulardır. Genetik nanizm formasından başqa, baş beyinin anadangəlmə və sonradan zədələnməsi nəticəsində boyun mərkəzi tənzimlənməsinin pozulması ilə bağlı serebral nanizm və embrional inkişafın pozuntusu ilə şərtlənən primordial nanizm formaları var. Ailəvi qısaboyluluq və praktiki olaraq sağlam uşaqlarda boyatmanın ləngiməsinə fizioloji inkişaf variantı kimibaxılmalıdır, belə ki, onlar patologiya deyil və nanizm təzahürlərinə aid deyil.

Azərbaycan Respublikasının baş pediatrı, Elmi-Tədqiqat Pedriatriya İnstitutunun direktoru Nəsib Quliyev məsələ ilə bağlı Turan-a bildirb ki, Səhiyyə Nazirliyi 166 adda  dərmanı pulsuz paylayır. Bu xəstəlikdən əziyyət çəkən uşaqların valideynləri aidiyyatı üzrə poliknikaya müraciət edərək, nanizmə aid dərmanın oraya salınıb salınmadığını öyrənsinlər.

Onun sözlərinə görə, nanizm xəstəliyini dərman içməklə müalicə etmək mümkün deyil, yalnız nanizmin bəzi formalarının müalicəsinə dərman içməklə müəyyən mənada kömək etmək olar.-16C-