![AŞ və Aİ-nin Azərbaycan məhkəmələrinin səmərəliliyinin artırılması üzrə birgə layihəsi yekunlaşıb](https://turan.az/resized/media/2017/main/040400187192-750-500-resize.webp)
AŞ və Aİ-nin Azərbaycan məhkəmələrinin səmərəliliyinin artırılması üzrə birgə layihəsi yekunlaşıb
Bakıda Avropa Şurası və Avropa İttifaqının "Azərbaycan məhkəmələrinin səmərəliliyinə yardım, hakimlərin təhsilinin təkmilləşdirilməsi, məhkəmələrin özünüidarəsi" mövzusunda birgə layihəsinin başa çatmasına həsr olunmuş yekun konfrans keçirilib.
Layihə Aİ-nin "Şərq tərəfdaşlığı" Proqramı çərçivəsində həyata keçirilib. İki illik layihə Azərbaycanın Avropa Şurası qarşısında insan hüquqlarına, qanunun aliliyinə və demokratik prinsiplərə riayət olunması üzrə öhdəliklərinə uyğun olaraq keçirilib.
Layihə çərçivəsində pilot məhkəmələrdə CEPEJ - Ədalətli mühakimənin səmərəliliyi məsələləri üzrə Avropa Komissiyasının standartları tətbiq olunub.
CEPEJ 2002-ci il sentyabrın 18-də Aİ-nin Nazirlər Komitəsinin qətnaməsinə uyğun olaraq, AŞ üzvü olan dövlətlərdə ədliyyənin fəaliyyətinin səmərəliliyi məsələləri üzrə ekspert təşkilatı kimi yaradılıb.
Konfransın açılışında çıxış edən Avropa Şurasının Bakı ofisinin rəhbəri Draqana Filipoviç qeyd edib ki, layihənin həyata keçirilməsi Azərbaycanın məhkəmə sisteminin inkişafı üçün onunla sıx əməkdaşlığa şərait yaratmaq imkanı verib.
"Layihənin məqsədi məhkəmə sistemində islahatlar aparmaq üçün potensialı gücləndirmək idi", deyə o bildirib.
Filipoviç vurğulayıb ki, Avropa Məhkəməsinə müraciətlərin sayını azaltmaq üçün milli məhkəmə sistemi inkişaf etdirilməlidir. "Bütünlükdə milli məhkəmə sistemləri Avropada qəbul edilmiş standartlara maksimum uyğun olmalıdır", deyə o bildirib.
Avropa Şurası insan hüquqları və qanunun aliliyi üzrə baş direktorunun ədliyyə və hüquqi əməkdaşlıq departamentinin rəhbəri Hanna Yunker qeyd edib ki, digər üzv ölkələrdə olduğu kimi, Azərbaycanda da Avropa Şurasının məqsədi etibarlı, hər bir insan üçün əlçatan olan, mübahisəli məsələlərin keyfiyyətli həllinə şərait yaradan məhkəmə sisteminin yaradılmasıdır.
"Çox sayda şikayətlər uzun məhkəmə prosesləri, habelə məhkəmə qərarlarının yerinə yetirilməməsi ilə bağlıdır", deyə Yunker bildirib.
Avropa İttifaqının Azərbaycandakı nümayəndəliyinin əməkdaşlıq şöbəsinin müdiri Ceron Vilems qeyd edib ki, hazırda Azərbaycanda iqtisadiyyatın şaxələndirilməsi haqqında müzakirələr trenddir. "Bunun üçün ədalətli məhkəmə sistemi olması çox vacibdir. Məhz belə məhkəmə sistemi iqtisadi islahatlara şərait yaratmalıdır", deyə o qeyd edib. –71В-
-
- Siyasət
- 4 Aprel 2017 15:20
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz