Qətər şeyxləri “Mahmudçala” ovçuluq təsərrüfatında ov etmək üçün Salyan rayonuna gəliblər. Onların arasında bu ərəb ölkəsinin DİN rəhbəri, onun 11 qohumu və digər müşayiət edən şəxslər olub.
Onlar yol polisinin müşayiəti ilə 30 cipdən ibarət maşın karvanında hərəkət edirlər. Qonaqlar “Kür” mehmanxanasında yerləşiblər. Onlar özləri ilə şahinlər və ov itləri gətiriblər. Bu barədə Salyanda fəaliyyət göstərən “Demokratiyaya yardım” QHT-nin rəhbəri Emil Məmmədov məlumat verib. Qonaqlar üçün onlarla quzu kəsilib.
Aşura günündə ov yerli dindarların narazılığına səbəb olub.
Mənbənin məlumatına görə, qonaqlar yerli polisin mühafizəsi altında ov edirlər.
“Mahmudçala” ovçuluq təsərrüfatında əsasən qaban və su quşları ovlanır. Qeyd edək ki, 2006-cı ildə Azərbaycanda
“quş qripi” təhlükəsi ilə əlaqədar su quşlarının ovlanmasına qadağa qoyulub.
Turan-ın bununla bağlı sorğusuna cavab olaraq Salyan rayonunun İcra Hakimiyyətinin məsul şəxsləri bu barədə məlumatlarının olmadığını bildiriblər.—06D-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz