![Avropa Şurası və Avropa İttifaqı Ədliyyə Akademiyasına kitab hədiyyə edib](https://turan.az/resized/media/2016/main/062400160127-750-500-resize.webp)
Avropa Şurası və Avropa İttifaqı Ədliyyə Akademiyasına kitab hədiyyə edib
Avropa İnsan Hüquqları Konvensiyasının müddəalarının və Strasburq məhkəməsinin presedent hüququnun tətbiqinə dair 20 adda kitab Azərbaycan Ədliyyə Akademiyasına hədiyyə edilib Bu, Avropa Şurası və Avropa İttifaqının həyata keçirdiyi layihə çərçivəsində baş tutub.
Layihə AŞ və Azərbaycan arasında 2014-2016-cı illərdə əməkdaşlıq planının tərkib hissəsidir.
Akademiyanın prorektoru Elçin Xələfov qeyd edib ki, təqdim olunan ədəbiyyat Avropa presedent hüququ, Avropa konvensiyasının ayrı-ayrı maddələri üzrə şərhlərə dair qiymətli bilgini əhatə edir. Bu kitablardan təkcə prokurorların və hakimlərin ixtisasının artırılmasında istifadə olunmayacaq, həm də başqa hüquqşünaslar, ali məktəblərin hüquq fakültələrinin tələbələri üçün nəzərdə tutulub.
Avropa Şurasının Bakı ofisinin rəhbəri Draqana Filippoviç Ədliyyə Nazirliyi, Ədliyyə Akademiyası, Məhkəmə-Hüquq Şurasının əməkdaşlığı ilə layihənin uğurlu inkişafını qeyd edib.
Avropa konvensiyasının müddəalarının tətbiqinin əhəmiyyəti barədə danışan Filippoviç deyib ki, ədliyyə və məhkəmə sistemində islahatlar olmadan uğurlu iqtisadi dəyişikliklər mümkün deyil.
İndiki layihədə əsas məqsəd Avropa konvensiyasının müddəalarına əməl edilməsinin təminatı üçün prokuror və hakimlərin təlimidir. Layihə çərçivəsində 35 trener öyrədilib ki, hazırda onlar özləri treninqlər keçir.
Vəkillər Kollegiyasının 277 üzvü, 87 hakim peşə biliklərinin təkmilləşdirilməsi imkanlarından istifadə edə biliblər.
Aİ Bakı missiyasının əməliyyat şöbəsinin rəhbəri Yeron Uilems qeyd edib ki, bu layihə Azərbaycanda Avropa dəyərlərinin yayılmasına xidmət edir.
Tədbirin sonunda Avropa hüququ üzrə tanınmış mütəxəssis Jan Pol Janın “Ədalət mühakiməsinin effektivliyinin artırılması üzrə Avropa komissiyası: elmi və praktiki əhəmiyyət” adlı kitabının təqdimatı olub. Kitabı Azərbaycan dilinə Yasamal Rayon Məhkəməsinin hakimi Ramin Qurbanov tərcümə edib. 06D—
-
- İqtisadiyyat
- 24 İyun 2016 14:19
-
- İqtisadiyyat
- 24 İyun 2016 14:44
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz