Bakı/25.08.18/Turan: Bu gün Bakı Ağır Cinayətlər Məhkəməsində AXCP Gənclər Komitəsi Ali Məclisinin üzvü Orxan Baxışlının məhkəməsi olub. O, külli miqdarda narkotik maddənin qanunsuz dövriyyəsində ittiham olunur. İşə hakim Mahmud Ağalarovun sədrliyilə baxılır.
Avqustun 14-də keçirilən hazırlıq iclası kimi bugünkü proses də yarıqapalı keçirilib. Belə ki, fəalın valideynlərindən və Qərb ölkələri səfirliklərinin nümayəndələrindən başqa zala heç kim buraxılmayıb. Eyni zamanda zal əvvəlcədən kənar şəxslərlə dolu olub.
Məhkəmə O.Baxışlının "dəmir qəfəs"dən çıxarılması barədə müdafiə tərəfinin vəsatətini təmin etməyib. İclasda ittiham aktı elan edilib.
O.Baxışlı ittihamın yalan olduğunu bildirib və özünü təqsirli bilməyib. O, etiraz olaraq ifadə verməkdən imtina edib. Sonra gənc fəalı saxlayan polislər şahid qismində çıxış ediblər.
Xatırladaq ki, O.Baxışlı mayın 6-da saxlanılıb. Onun üzərindən 6 qram heroin tapıldığı iddia olunur. Gənc fəal ittihamı rədd edir, narkotik maddənin cibinə polislər tərəfindən atıldığını deyir.
Həbsdən bir neçə gün öncə - mayın 3-də Beynəlxalq Mətbuat Azadlığı Günü ilə əlaqədar mərhum jurnalist Elmar Hüseynovun məzarı önündəki toplantıda O.Baxışlı jurnalistin ölümündə ölkə hakimiyyətini ittiham edib. Həmkarlarının fikrincə, həbsin səbəbi budur.
Hüquq nüdafiəçiləri O.Baxışlını siyasi məhbus kimi tanıyıblar.06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz