Mayın 28-i. Novxanı
Bakı/31.05.19/Turan: Mayın 31-də Abşseron Rayon Məhkəməsində mayın 28-də Novxanıda Respublika Gününü qeyd edən Azərbaycan Xalq Cəbhəsi Partiyasının üzvlərin məhkəmə prosesi keçirilib.
Adil Babayev, Nizami Abbasov, Ruslan Şərifov və Elşən Həsənov İnzibati Xətalar Məcəlləsinin 513.2-ci maddəsinin (Toplantıların təşkili və keçirilməsi qaydasının pozulması) pozulmasında təqsirli bilərək, 300 manat məbləğinə cərimələndilər.
Nizami Abbasovun sözlərinə görə, o, tədbir zamanı heç bir qaydanı pozmayıb, əksinə polis yolu bağlayaraq vətəndaşlara keçməyi imkan vermirdilər. "Polis bizə kobudluq göstəəndə mən "Azərbaycan!" qışqırdım, həmin an polislər qollarımı arxadan burdular və onun nəticəsində əlimdən bayraq düşdü. Sonra məni polisə apardılar, barəmdə protokol tərtib etdilər. Bu gün isə etmədiyim hərəkətə göörə cərimələndim. Apellyasiya şikayətini verəcəm".
Dünən, mayın 30-da Milli Şuranın Koordinasiya Şurasının üzvü Tofiq Yaqublu və AXCP-nın 3 üzvü də Abşeron Rayon Məhkəməsinin qərarı ilə 300 manat məbləğində cərimələnmişdir.--0--
Cəmiyyət
-
Azərbaycana İrandan gətirilən bəzi şirniyyatlarda GMO (genetik materialı dəyişdirilmiş orqanizmlərə verilən addır) aşkarlanıb. "Qida təhlükəsizliyi haqqında" Qanuna görə, qeydiyyatdan keçməyən genetik modifikasiya olunmuş yem məhsullarının istehsalı, emalı, dövriyyəsi qadağandır. Qeydiyyata alınması üçün həmin məhsullar həyat və sağlamlığa zərərli olmamalı, istehlak xüsusiyyətləri ilə bağlı istifadəçilər aldadılmamalıdırlar.
-
Ölkədə qış mövsümündə havaların soyuq keçməsi ilə əlaqədar mövsümi xarakter daşıyan respirator virus infeksiyalarına yoluxma hallarının artması müşahidə olunur. Bununla əlaqədar adaptasiya dövründə olan gənc əsgərlərin sağlamlığının qorunması məqsədilə hərbi hissələrdə onlarla görüşə müvəqqəti məhdudiyyət qoyulub. Bu barədə Müdafiə Nazirliyi məlumat yayıb.
-
Yanvarın 17-də Bakıda hava tutqun olacaq, səhər və axşam yağıntı gözlənilir. Şimal-qərb küləyi cənub-şərq küləyinə keçəcək.
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
Rəy yaz