Bakı/31.05.19/Turan: Azərbaycan və Polşa qarşılıqlı ticarət dövriyyəsinin artmasına nail olmaq niyyətindədir. Bu barədə cümə günü prezident İlham Əliyev Bakıda Polşalı həmkarı Andjey Duda ilə birgə mətbuat konfransında bildirib.
Onun sözlərinə görə, bu gün Bakıda açılan ikitərəfli biznes forumu da ticari əlaqələrin güclənməsinə şərait yaradacaq.
Əliyev qeyd edib ki, tərəflər qarşılıqlı investisiyalara hazırdırlar və Polşa Şimal-Cənub və Şərq-Qərb nəqliyyat dəhlizlərinə maraq göstərəcək.
İkitərəfli münasibətlərdə energetika və kənd təsərrüfatına da mühüm yer ayrılacaq, deyə Əliyev bildirib.
Regional problemlərə gəlincə, Polşa prezidentinə Bakının Qarabağ münaqişəsinin Azərbaycanın ərazi bütövlüyü çərçivəsində həlli ilə bağlı mövqeyi barədə məlumat verilib, deyə Əliyev qeyd edib.
Cavab sözündə Andjey Duda bildirib ki, kənd təsərrüfatı sahəsində əməkdaşlığa - Azərbaycana gübrə və kənd təsərrüfatı texnikasının ixracının genişləndirilməsinə xüsusilə ümid edir. O, Polşa şirkətlərinin Bakı yaxınlığında Ələt Beynəlxalq Ticarət Limanının yaradılmasında iştirakının da tərəfdarı olduğunu bildirib.
Polşa Azərbaycan ərazisindən keçməklə İran, Mərkəzi Asiya və Çin bazarlarına çıxmaq və bu ölkələrdən Polşa ərazisindən keçməklə Avropaya yük daşınması məqsədilə nəqliyyat layihələrində iştirakda maraqlıdır.
Qarabağ mövzusuna toxunan Andjey Duda qeyd edib ki, Bakı həmişə bu münaqişənin beynəlxalq normalar çərçivəsində həlli məsələsində Varşavanın dəstəyinə arxalana bilər.
Sonda o, Bakı tarixində böyük iz qoymuş Polşa memarlarına hörmətli münasibətə görə Azərbaycana minnətdarlığını bildirib. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz