Bakı/27.02.18/Turan: Fevralın 27-də Azərbaycan Ali Məhkəməsi hakim Gülzar Rzayevanın sədrliyi ilə keçirilən prosesdə "Azadlıq" qəzetinin yayım direktoru Faiq Əmirlinin kassasiya şikayətini təmin etməyib.
Faiq Əmirli və vəkili Aqil Layıcov məhkəmədən cinayət işinə bəraətverici əsaslarla xitam verilməsini istəyib.
Aqil Layıcov Faiq Əmirliyə qarşı ittihamların əsassız olduğunu bildirib.
"Faiq Əmirlinin Fətullah Gülənin tərəfdarı olması, onun təbliği ilə məşğul olması haqda ittihamda yazılanlar absurddur. "Azadlıq" qəzetinin vergidən yayınması haqqında ittihamın da əsası yoxdur. Vergilər Nazirliyinin 39 min manatlıq mülki iddiasının rədd edilməsini istəyirəm", deyə vəkil qeyd edib.
Faiq Əmirli çıxışında nəinki fətullahçılıq, ümumiyyətlə dinlə əlaqəsi olmadığını, ittihamların qondarma olduğunu bildirib.
Vəkil Ali Məhkəmənin qərarından Avropa İnsan Hüquqları Məhkəməsinə şikayət veriləcəyini deyib.
Faiq Əmirli 2016-cı ilin avqustunda həbs olunub. Səbail rayon Məhkəməsinin hökmü ilə ilə 3 il 3 ay azadlıqdan məhrum edilib. Hökmdə onun 39 min manat vergini ödəməsi əksini tapıb.
Bakı Apellyasiya Məhkəməsi Faiq Əmirlinin işinə baxarkən Cinayət Məcəlləsinin 70-ci maddəsini tətbiq edib və ona 2 il şərti cəza təyin edib. Faiq Əmirli 2017-ci ilin sentyabrında məhkəmə zalından azadlığa buraxılıb.-03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz