“Tələt Şıxəliyev küçəsindəki evimin dağıdılmasından 50 gün ötür. Lakin indiyədək mən kompensasiya almamışam və mənim bütün şikayətlərim cavabsız qalıb”, - evin sahibi Azər Əsgərov cümə günü RATİ-də keçirilən mətbuat konfrasında bildirib.
AXCP ofisinin yerləşdiyi bu ev martın 3-də sökülüb. FHN-in rəyinə görə, partlayış və yanğından sonra bina qəza vəziyyətinə düşüb. Türkiyədə yaşayan ev sahibini gözləmədən hakimiyyət binanı söküb.
A.Əsgərov dəfələrlə bildirib ki, söküntünün əsl səbəbi binanın ofis kimi AXCP-yə verilməsidir.
“Mənim qardaşım FHN-in idarələrinin birində rəis işləyir və o, mənə dəfələrlə xəbərdarlıq edib ki, AXCP-ni oradan çıxarım. Lakin mən bunu etməmişəm.
Türkiyədə də mənə və ailəmə hədə-qorxu gəlirdilər. Bu hədə-qorxular indi də davam edir”, - o bildirib.
A.Əsgərov xatırladıb ki, evi üç günə söküblər. Çünki ev çox möhkəm olub, heç bir qəza vəziyyəti olmayıb.
“Harada, hansı ölkədə görünüb ki, hakimiyyət vətəndaşların əmlakını, onların özəl mülkiyyətini dağıtsın? Heç kimin buna ixtiyarı yoxdur. Nə FHN-in, nə icra hakimiyyətinin, nə də bir başqasının. Sadəcə, mən evi AXCP-yə verdiyimə görə məndən qisas alırlar.
Mən Nərimanov Rayon İcra Hakimiyyəti başçısının birinci müavini Şahmar İbadovun qəbulunda oldum. O vəd etdi ki, əgər mən onların təqdim etdiyi informasiyanı televiziyada oxusam mənə 1 kv.metrə görə 3 min manat verəcəklər.
Amma mən imtina etdim. O təklif etdi ki, əgər mövcud olmayan evi onlara satsam 1 kv.metrə görə 1500 manat veriləcək.
“Mən belə də edəcəm. Dağılmış daşınmaz əmlakı onlara satacam”, - A.Əsgərov bildirib.
O, FHN rəhbəri Kəmaləddin Heydərovu, onun müavini Orucəli Hacıyevi və Şahmar İbadovu bütün bunlarda ittiham edib və onlarla haqq-hesab çəkəcəyini bildirib.
“Mən də veteranam. Sədərəkdə döyüşmüşəm. Lakin Ağdam veteranından fərqli olaraq mən intihar etməyəcəm, qisas alacam. Mən sadə vətəndaşam və prezident mənim hüquqlarımı müdafiə etməlidir. Əgər bunu eləməsə mən onu prezident saymayacam”, -A.Əsgərov vurğulayıb. -04С-
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz